હિજાબ વિવાદ: હાઇકોર્ટમાં સુનવણી ચાલુ, વિદ્યાર્થીનીઓના વકીલ કરી રહ્યાં છે દલીલો
કર્ણાટક હાઈકોર્ટે આજે બપોરે 2.30 વાગ્યાથી હિજાબ કેસમાં ફરી સુનાવણી શરૂ કરી હતી. ગઈકાલે અરજદાર વિદ્યાર્થીઓ તરફથી વકીલ દેવદત્ત કામત દ્વારા આ બાબતે દલીલો રજૂ કરવામાં આવી હતી. તેણે દક્ષિણ આફ્રિકા અને તુર્કીના કાયદાનો ઉલ્લેખ
કર્ણાટક હાઈકોર્ટે આજે બપોરે 2.30 વાગ્યાથી હિજાબ કેસમાં ફરી સુનાવણી શરૂ કરી હતી. ગઈકાલે અરજદાર વિદ્યાર્થીઓ તરફથી વકીલ દેવદત્ત કામત દ્વારા આ બાબતે દલીલો રજૂ કરવામાં આવી હતી. તેણે દક્ષિણ આફ્રિકા અને તુર્કીના કાયદાનો ઉલ્લેખ કર્યો. બીજી તરફ, આજે વિદ્યાર્થીનીઓ તરફથી હાજર રહેલા વરિષ્ઠ વકીલ રવિવર્મા કુમારે કર્ણાટક એજ્યુકેશન એક્ટનો ઉલ્લેખ કર્યો હતો.
તેમણે કોર્ટને કહ્યું, "નિયમ કહે છે કે જ્યારે શૈક્ષણિક સંસ્થા યુનિફોર્મ બદલવા માંગે છે, ત્યારે તેણે વિદ્યાર્થીઓના માતા-પિતાને એક વર્ષ અગાઉ નોટિસ આપવી પડશે. જો હિજાબ પર પ્રતિબંધ છે તો તેની એક વર્ષ અગાઉ જાણ કરવી જોઈએ. 1995ના નિયમોમાં કરવામાં આવેલી આ જોગવાઈઓ સામાન્ય છે. PU કોલેજો અલગ નિયમ હેઠળ આવે છે. એ હકીકતની નોંધ લેવી ખૂબ જ મહત્વપૂર્ણ છે કે કોલેજ ડેવલપમેન્ટ કાઉન્સિલ નિયમો હેઠળ સ્થાપિત અથવા માન્યતા પ્રાપ્ત સત્તા નથી. સરકારી આદેશમાં જાહેર કરવામાં આવ્યું છે કે PU કોલેજો માટે કોઈ નિશ્ચિત યુનિફોર્મ નથી. ન તો એજ્યુકેશન એક્ટની જોગવાઈઓ અને ન તો નિયમો કોઈ ડ્રેસનું સૂચન કરે છે. હિજાબ પહેરવા પર કાયદા કે નિયમો હેઠળ પ્રતિબંધ નથી.
રવિવર્માએ વધુમાં જણાવ્યું હતું કે, એક ધારાસભ્ય (જે સમિતિના અધ્યક્ષ પણ છે) રાજકીય પક્ષ અથવા રાજકીય વિચારધારાનું પ્રતિનિધિત્વ કરશે અને શું તમે વિદ્યાર્થીઓના હિતને કોઈ રાજકીય પક્ષ અથવા રાજકીય વિચારધારા માટે જવાબદાર ગણી શકો છો? રવિવર્મા કુમારે વધુમાં જણાવ્યું હતું કે આવી સમિતિની રચના આપણા લોકતંત્રને મૃત્યુનો ફટકો આપવા સમાન છે. સિનિયર એડવોકેટે કહ્યું કે કોલેજ ડેવલપમેન્ટ કમિટી પાસે પોલીસ જેવી સત્તા વિદ્યાર્થીઓ સામે ન હોઈ શકે. તેઓ વધુમાં કહે છે કે આવી સમિતિની રચના આપણા લોકતંત્રને ઘાતક ફટકો આપે છે. તેના પર કર્ણાટક હાઈકોર્ટે વકીલને પૂછ્યું કે, તમે કહો છો કે કોલેજ ડેવલપમેન્ટ કમિટીને યુનિફોર્મ લખવાનો કોઈ અધિકાર નથી.
રવિવર્માએ કોર્ટને કહ્યું કે હિજાબ પર કોઈ પ્રતિબંધ નથી અને પ્રશ્ન એ ઊભો થાય છે કે કયા અધિકાર કે નિયમ હેઠળ વિદ્યાર્થિનીઓને વર્ગખંડની બહાર રાખવામાં આવી હતી. કુમારે વધુમાં પૂછ્યું કે શા માટે સરકાર એકલા હિજાબને પસંદ કરી રહી છે. બંગડીઓ પહેરેલી હિંદુ છોકરીઓ અને ક્રોસ પહેરેલી ખ્રિસ્તી છોકરીઓને કેમ બહાર મોકલવામાં આવતી નથી? વરિષ્ઠ વકીલ પ્રોફેસર રવિવર્મા કુમારે કહ્યું કે શું તમે વિદ્યાર્થીઓના કલ્યાણની જવાબદારી કોઈ રાજકીય પક્ષ કે રાજકીય વિચારધારાને સોંપી શકો છો?
Click it and Unblock the Notifications
Sign in with Google
