Himachal Elections 2022: હિમાચલમાં ચૂંટણી ઘોંઘાટ બંધ, હવે ઉમેદવારો સોશિયલ મીડિયા પર સક્રિય
ગુરુવારની સાંજે હિમાચલ પ્રદેશમાં ચૂંટણીનો ઘોંઘાટ બંધ થઈ ગયો છે. હવે ડોર ટુ ડોર સંપર્કની સાથે ઉમેદવારો પ્રચાર માટે સોશિયલ મીડિયાનો પણ સહારો લઈ રહ્યા છે.
Himachal Elections 2022: હિમાચલ પ્રદેશમાં વિધાનસભા ચૂંટણી માટે 12 નવેમ્બરે મતદાન થશે. મતદાનના માત્ર બે દિવસ પહેલા 10 નવેમ્બર, ગુરુવારની સાંજે હિમાચલ પ્રદેશમાં ચૂંટણીનો ઘોંઘાટ બંધ થઈ ગયો છે. હવે ડોર ટુ ડોર સંપર્કની સાથે ઉમેદવારો પ્રચાર માટે સોશિયલ મીડિયાનો પણ સહારો લઈ રહ્યા છે. તમને જણાવી દઈએ કે રેકોર્ડેડ કૉલ, એસએમએસ, ફેસબુક અને વૉટ્સએપ દ્વારા કોંગ્રેસ, ભાજપ અને આમ આદમી પાર્ટીના ઉમેદવારો મતદારોને પોતાની તરફેણમાં લેવા પ્રચારમાં વ્યસ્ત છે.
મતદારોને પોતાની તરફેણમાં લેવા માટે પ્રચારની પદ્ધતિ સમયાંતરે બદલાઈ છે. લાઉડસ્પીકર, પ્રચાર સામગ્રી અને શેરી સભાઓ - વૉલ પેઈન્ટિંગ્સના બદલે હવે રેકોર્ડેડ કૉલ્સ, એસએમએસ, ફેસબુક અને વૉટ્સએપનો ઉપયોગ કરવામાં આવી રહ્યો છે. આ માટે IT ટીમો તૈનાત કરવામાં આવી છે. તમને જણાવી દઈએ કે સીએમ જયરામ ઠાકુર અને પ્રિયંકા ગાંધી વાડ્રાના રેકોર્ડેડ કૉલ લોકોના મોબાઈલ ફોન પર આવી રહ્યા છે. જેમાં બંને નેતાઓ પોતપોતાની પાર્ટી માટે વોટ માંગે છે.
ચૂંટણી પ્રચારના અંતિમ દિવસે સત્તાધારી ભાજપ અને મુખ્ય વિપક્ષ કોંગ્રેસથી માંડીને અપક્ષ ઉમેદવારોએ ચૂંટણી પ્રચારમાં પૂરેપૂરુ જોર લગાવ્યુ હતુ. ચૂંટણીનો ઘોંઘાટ બંધ થયા બાદ ગુરુવારે પોલિંગ પાર્ટી પણ અંતરિયાળ વિસ્તારોમાં જવા રવાના થઈ ગઈ છે. 10 નવેમ્બરના રોજ સાંજે 05:00 વાગ્યાથી 12 નવેમ્બરના સાંજે 05:00 વાગ્યા સુધી દારૂના વેચાણ પર સંપૂર્ણ પ્રતિબંધ રહેશે. વહીવટીતંત્રે રાજ્યની સરહદો પણ સંપૂર્ણ રીતે સીલ કરી દીધી છે જેથી ચૂંટણીને અસર કરતી કોઈપણ સામગ્રી બહારના રાજ્યોમાંથી રાજ્યમાં પહોંચી ન શકે.
હિમાચલ પ્રદેશની 68 વિધાનસભા બેઠકો પર કુલ 412 ઉમેદવારો મેદાનમાં છે. જેમનુ ભવિષ્ય 12 નવેમ્બરે નક્કી થશે. 55,92,828 મતદારો તેમના મતાધિકારનો ઉપયોગ કરશે. રાજ્યમાં કુલ 7881 મતદાન મથકો બનાવવામાં આવ્યા છે. કુલ મતદારોમાં 28,54,945 પુરૂષ, 27,37,845 મહિલા અને 38 ત્રીજા લિંગના મતદારો છે. આ ચૂંટણીમાં 18-19 વર્ષની વયજૂથના 1,93,106 નવા મતદારો ઉમેરાયા છે. 80 વર્ષથી ઉપરની વય જૂથમાં 1,21,409 વરિષ્ઠ મતદારો છે જ્યારે 56,501 વિકલાંગ મતદારો છે.
-
આંબેડકર જયંતિની ઉજવણી દરમિયાન કાસગંજ, આગ્રા અને લખીમપુર ખેરીમાં તણાવ ફાટી નીકળ્યો -
Women Reservation Amendment Bill: નારી શક્તિ વંદન અધિનિયમ લોકસભામાં બોલશે પીએમ મોદી, 33% અનામત પર થશે ચર્ચા -
લેન્સેટના અભ્યાસમાં ચોંકાવનારો ખુલાસો, 2023માં 1.3 અબજ લોકો લિવરની બીમારીના શિકાર બન્યા -
ભારતને મળ્યા તેના પ્રથમ 'વર્કપ્લેસ હેપ્પીનેસ એવોર્ડ્સ', ઉદ્યોગના દિગ્ગજો દ્વારા નેતૃત્વ -
ટ્રમ્પે પશ્ચિમ એશિયાના સંકટ અંગે પીએમ મોદીને અપડેટ કર્યા અને દ્વિપક્ષીય સંબંધોને મજબૂત બનાવ્યા -
Samay Raina Caste: સ્ટેન્ડ-અપ કૉમેડિયન સમય રૈનાના જાતિ-ધર્મ શું છે? ખુદને 'મૃતદેહ' જેવો કેમ કહ્યો? -
Weather Update: દેશના 11 રાજ્યોમાં ભારે વરસાદ અને વાવાઝોડાની આગાહી -
દૂન લિટ ફેસ્ટ દેહરાદૂનમાં સાહિત્ય, સિનેમા, ઇતિહાસ, નેતૃત્વ અને ટેક્નોલોજીને એકસાથે લાવે છે -
Putin India Visit: એક વર્ષમાં બીજીવાર ભારત આવી રહ્યા છે પુતિન, પશ્ચિમી દેશોની ઉંઘ ઉડી -
ગુજરાત હાઈકોર્ટે AI ના દુરુપયોગ અને ડીપફેક નિયમન અંગે મેટા, ગૂગલ અને એક્સને નોટિસ ફટકારી -
Weather Update: આસામ-બંગાળ સહિત 13 રાજ્યોમાં આંધી-તોફાનની આગાહી -
અમેરિકા-ઈરાન તણાવ વચ્ચે પશ્ચિમ એશિયા સંકટ પર ઇઝરાયલી સમકક્ષ સાથે વિદેશ મંત્રી જયશંકરની વાતચીત
Click it and Unblock the Notifications
Sign in with Google
