Get Updates
Get notified of breaking news, exclusive insights, and must-see stories!

પોતાની બહેનું માથુ લઇને પોલીસ સ્ટેશન પહોંચ્યો યુવક!

murder
બહરાઇચ, 29 માર્ચ: ઉત્તર પ્રદેશના બહરાઇચની આ ઘટનાએ સૌના હોશ ઉડાવી દીધા છે. અત્રે એક યુવકે પોતાની જ બહેનનું માથું ધડથી અલગ કરી દીધું અને પછી તેને લઇને પોલીસ સ્ટેશન પહોંચી ગયો. સમ્માન ખાતર કરવામાં આવેલી આ હત્યા પાછળ કારણ હતું લગ્ન. ખરેખર તેની 20 વર્ષીય બહેન એક 50 વર્ષના વ્યક્તિ સાથે લગ્ન કરવા માંગતી હતી.

જે બહેનની રક્ષા કરવાની સોગંધ લીધી હતી, જે બહેને પોતાના ભાઇની રક્ષા માટે તેના હાથે રાખડી બાંધતી હતી તે જ બહેનનો શિરચ્છેદ કરતા ભાઇ જરાઇ ખચકાયો નહીં. આ એ ભાઇ છે, જેણે સમ્માન ખાતર પોતાની બહેનની બલી ચડાવી દીધી.

બહરાઇચના એસપી વિનય કુમાર યાદવે જણાવ્યું કે આ ઘટના રબીપુરના તાજપુર ગામની છે, જ્યાં 20 વર્ષીય યુવતી 50 વર્ષના આધેડના પ્રેમમાં પડી હતી અને તેની સાથે લગ્ન કરવા માંગતી હતી. તેના ભાઇએ તેને આવું કરવાની ઘણી વખત ના કહી પરંતુ તે યુવતી એકની બે ના થતા તેના ભાઇએ આવેશમાં આવીને તેની હત્યા કરી નાખી.

જ્યારે યુવતી પોતાની જીદ પર અડી રહી ત્યારે પરિવારમાં વિવાદ વધી ગયો. વિવાદ વધતા યુવક રોષે ભરાયો અને ઘરમાં પડેલી કૂહાડીથી પોતાની બહેનનું માથું ધડથી અલગ કરી નાખ્યું. જોકે પોતાની બહેનની હત્યા કર્યા બાદ ભાઇને અહેસાસ તો થયો પરંતુ તેને અફસોસ ના થયો. ઘરમાં રો-કકડ ચાલુ થઇ ગઇ પરંતુ તેની આંખમાં એક આંસુ ના આવ્યો.

બહેનનું ધડ ઘરમાં જ પડી રહ્યું અને યુવક તેની બહેનનું માથું લઇને પોલીસ સ્ટેશન પહોંચી ગયો. પોલીસે તેની ધરપકડ કરીને તેને જેલમાં નાખી દીધો છે. સોમવારે યુવકને મેજિસ્ટ્રેટ સમક્ષ હાજર કરવામાં આવશે.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
loader
X