કાટજૂનો આરોપ, યૂપીએ સરકારે કર્યું ભ્રષ્ટ જજનું પ્રમોશન
કાટજૂના જણાવ્યા અનુસાર જજને તમિલનાડુના એક કદ્દાવર નેતાનું સમર્થન હાસલ હતું. કાટજૂએ લખ્યુ છે કે સુપ્રીમ કોર્ટના કોલેજિયમના આરોપી જજની વિરુધ્ધ પ્રતિકૂળ ટિપ્પણી આપી અને આગળ નિમણૂંક નહીં કરવાની ભલામણ કેન્દ્ર સરકારને મોકલી. તે સમયે કેન્દ્રમાં યૂપીએની સરકાર હતી અને તમિલનાડુની એ પાર્ટી પણ યૂપીએનો એક ભાગ હતી જે આરોપી જજને સમર્થન કરી રહી હતી.
આ પાર્ટીએ કોલેજિયમના નિર્ણયનો પુરજોરમાં વિરોધ કર્યો. તમિલનાડુના મંત્રીઓએ પીએમને ચેતવણી આપી કે આ મુદ્દા પર તેમની સરકાર પણ પડી શકે છે. ત્યાર બાદ કોંગ્રેસના મંત્રીઓએ આ મામલાને ચીફ જસ્ટિસ આરસી લોહાટીની સામે રાખ્યો અને તેને એડિશનલ જજ બનાવી રાખવા માટે જણાવ્યું. આશ્ચર્યજનક રીતે તે જજનું કાર્યકાળ એક વર્ષ માટે વધારી દેવામાં આવ્યું. જસ્ટિસ કાટજૂએ લખ્યું છે કે તેઓ પોતાના લેખ દ્વારા માત્ર એટલું જ જણાવવા માગે છે કે સિદ્ધાંતોથી વિરુદ્ધ દેશનું સિસ્ટમ કેવી રીતે કામ કરે છે.