ડાર્કનેટ પર કેવી રીતે લીક થાય છે પેપર? જાણો કેમ NEET ને લઈને ચર્ચામાં છે આ રહસ્યમયી દુનિયા?
આ દિવસોમાં ભારતમાં પેપર લીકની બોલબાલા છે. કેન્દ્ર અને રાજ્યોની કોઈપણ પરિક્ષા વિવાદો વગર પુરી નથી થઈ રહી. આ વિવાદ વચ્ચે ડાર્કનેટની ખુબ ચર્ચા થઈ રહી છે.
ડાર્ક નેટ પર વિવિધ પરીક્ષાઓના પેપરો લીક થવાના કારણે વિદ્યાર્થીઓનું ભવિષ્ય અંધકારમય બની જાય છે. આજે અમે તમને જણાવીશું કે આ ડાર્ક નેટ શું છે, જ્યાં સ્કેમર્સ વિદ્યાર્થીઓની પરીક્ષા સાથે છેતરપિંડી કરી રહ્યા છે.
ડાર્કનેટ પર પેપર લીક
દેશમાં NEET પેપર લીકનો મામલો હજુ પૂરો થયો નથી ત્યાં UGC NETનું પેપર પણ લીક થયું છે. આ પરીક્ષાઓ અંગે કેન્દ્રીય શિક્ષણ મંત્રી ધર્મેન્દ્ર પ્રધાને પ્રેસ કોન્ફરન્સમાં જણાવ્યું છે કે આ પેપર ડાર્કનેટ પર લીક થયા હતા. હવે સવાલ એ છે કે ડાર્ક નેટ શું છે, જેના આધારે પેપર લીક થયા પછી પણ ગુનેગારો શોધી શકાતા નથી.
ડાર્કનેટ શું છે?
ડાર્ક વેબ કે ડાર્ક ઇન્ટરનેટ ઈન્ટરનેટનો તે ભાગ છે જ્યાં તમામ પ્રકારના કામ કરવામાં આવે છે. 96 ટકા ઈન્ટરનેટ ડીપ વેબ અને ડાર્ક વેબ હેઠળ આવે છે. વપરાશકર્તાઓ માત્ર 4% ઇન્ટરનેટ સામગ્રીનો ઉપયોગ કરે છે, જેને સરફેસ વેબ કહેવાય છે. ડીપ વેબ પર કન્ટેન્ટ એક્સેસ કરવા માટે પાસવર્ડ જરૂરી છે.
સાયબર નિષ્ણાતો ડાર્ક વેબ ખોલવા ટોર બ્રાઉઝરનો ઉપયોગ કરે છે. ડ્રગ્સ, હથિયારો, પાસવર્ડ્સ, ચાઇલ્ડ પોર્ન જેવી પ્રતિબંધિત વસ્તુઓ પણ ડાર્ક વેબ પર ઉપલબ્ધ છે.
જણાવી દઈએ કે ડાર્ક વેબ ઓનિયન રૂટીંગ ટેક્નોલોજી પર કામ કરે છે. તે વપરાશકર્તાઓને ટ્રેકિંગ અને સર્વેલન્સ અને રૂટ્સથી સુરક્ષિત કરે છે અને તેમની ગોપનીયતા જાળવવા માટે વપરાશકર્તાઓને સેંકડો સ્થાનો પર ફરીથી રૂટ કરે છે.
સરળ ભાષામાં સમજો કે આ ડાર્ક વેબ ઘણા IP એડ્રેસથી કનેક્ટ અને ડિસ્કનેક્ટ થાય છે, જેના કારણે તેને ટ્રેક કરવું મુશ્કેલ છે. માહિતી અનુસાર, બિટકોઈન જેવી વર્ચ્યુઅલ કરન્સીનો ઉપયોગ ડાર્ક વેબ પર ડીલ કરવા માટે થાય છે. જેના કારણે તેને પકડવુ મુશ્કેલ છે.
ડાર્ક વેબ કૌભાંડોનું ઘર છે
પેપર લીક જેવા ગુનાઓ જ નહીં દરેક ખોટા કામ સોપારી આપવી, હથિયારોની દાણચોરી જેવી ગેરકાયદેસર પ્રવૃત્તિઓ પણ અહીં થાય છે. ડાર્ક વેબ પર આવા ઘણા સ્કેમર્સ છે, જેઓ ખૂબ સસ્તા દરે પ્રતિબંધિત વસ્તુઓ વેચે છે.
Click it and Unblock the Notifications
Sign in with Google
