'હું માણસ છું, ભગવાન નહીં, ભૂલો મારાથી પણ થાય છે' PM મોદીએ આવુ કોને અને કેમ કહ્યું? વાયરલ થયો વીડિયો

પ્રધાનમંત્રી નરેન્દ્ર મોદી ટૂંક સમયમાં એક પોડકાસ્ટ વીડિયોમાં જોવા મળશે. હા, ઝેરોધાના સહ-સ્થાપક અને લોકપ્રિય પોડકાસ્ટ 'પીપલ બાય WTF' ના હોસ્ટ નિખિલ કામથે પીએમ મોદીનો પોડકાસ્ટ ઇન્ટરવ્યુ વીડિયો લીધો છે.

નિખિલ કામથે ખુલાસો કર્યો છે કે "WTF ઇઝ વિથ નિખિલ કામથ" પોડકાસ્ટ પર તેમના આગામી મહેમાન પીએમ નરેન્દ્ર મોદી છે. પીએમ મોદીના પહેલા પોડકાસ્ટ વિડીયોને લઈને સોશિયલ મીડિયા પર ઘણો ઉત્સાહ છે. નિખિલ કામથે પીએમ મોદી સાથેના આ પોડકાસ્ટ વીડિયોનું બે મિનિટનું ટ્રેલર રિલીઝ કર્યું છે. જેમાં પીએમ મોદી પોતાની ભૂલો વિશે ખુલ્લેઆમ વાત કરતા જોવા મળ્યા છે.

મારાથી પણ ભૂલો થાય છે:PM

આ પોડકાસ્ટ વીડિયોના ટ્રેલરમાં પીએમ મોદી કહે છે, "હું પણ માણસ છું, ભગવાન નથી, મારાથી પણ ભૂલો થાય છે." પીએમ મોદીએ મુખ્યમંત્રી તરીકેના કાર્યકાળ દરમિયાન થયેલી ભૂલો પર પણ પ્રકાશ પાડ્યો. પીએમ મોદીએ કહ્યું, "મેં બધી પ્રકારની ભૂલો કરી છે અને દરેક માણસની જેમ મેં મારી ભૂલોમાંથી શીખ્યુ છે"

PM મોદીનો પ્રથમ પોડકાસ્ટ

પીએમ મોદી અને નિખિલ કામથ વચ્ચે ખુલ્લી વાતચીત બતાવવામાં આવી હતી. આ એપિસોડ પીએમ મોદીનો પોડકાસ્ટ ફોર્મેટમાં પ્રથમ દેખાવ હશે. ટ્રેલરમાં કામથે પીએમ મોદીનો ઇન્ટરવ્યૂ લેવા અંગેની પોતાની ગભરાટનો પણ ઉલ્લેખ કર્યો છે. જેના જવાબમાં પીએમ મોદીએ કહ્યું, "આ મારો પહેલો પોડકાસ્ટ છે, મને ખબર નથી કે તમારા દર્શકોને તે કેટલું ગમશે." મને ખબર નથી કે તમારા દર્શકોને તે ગમશે કે નહીં."

પોડકાસ્ટનો વીડિયો કર્યો શેર

પીએમ મોદી અને નિખિલ કામથ બંનેએ રાજકારણ અને ઉદ્યોગસાહસિકતા વચ્ચેની સમાનતાઓ સહિત વિવિધ વિષયો પર ચર્ચા કરી. પીએમ મોદીએ આ પોડકાસ્ટ વીડિયો સોશિયલ મીડિયા પર પણ પોસ્ટ કર્યો છે.

PM મોદીએ કહ્યું, મને આશા છે તમને ગમશે

પીએમ મોદીએ X પર કહ્યું. "મને આશા છે કે તમને બધાને પણ એટલો જ આનંદ આવશે જેટલો અમને તમારા માટે બનાવવામાં આનંદ આવ્યો," ચર્ચા દરમિયાન, પીએમ મોદીએ રાજકારણમાં જોડાવા માંગતા યુવાનોને સલાહ પણ આપી. મોદીએ કહ્યું કે રાજકારણમાં પ્રવેશવા માટે, એક આ ક્ષેત્રમાં ફક્ત મહત્વાકાંક્ષાને બદલે એક મિશન સાથે આવવું જોઈએ.

મુખ્યમંત્રી તરીકેનું ભાષણ કર્યું યાદ

પીએમ મોદીએ તેમની અંગત યાત્રા પર પ્રતિબિંબ પાડ્યો અને મુખ્યમંત્રી તરીકે આપેલા ભાષણને યાદ કર્યું જેમાં તેમણે એક અસંવેદનશીલ ટિપ્પણી કરી હતી. તેમણે કહ્યું, "ભૂલો થાય છે. હું માણસ છું, ભગવાન નહીં." ટ્રેલર ત્યારે જ સમાપ્ત થાય છે જ્યારે પીએમ મોદી કામથના પ્રશ્નનો જવાબ આપવાનું શરૂ કરે છે કે તેમના પહેલા અને બીજા કાર્યકાળમાં શું તફાવત હતો અને વર્ષોથી તેમનો અભિગમ કેવી રીતે વિકસિત થયો છે.