ICC World Cup 2023 : ભારત-પાકિસ્તાન મેચની ટિકિટ કેટલામાં વેચાઈ રહી છે? જાણો બુકિંગ કરવાની પુરી રીત
ભારતમાં યોજાઈ રહેલા ક્રિકેટ વર્લ્ડ કપનો ફિવર ક્રિકેટ ફેન્સના માથે ચડીને બોલી રહ્યો છે. આ જ કારણ છે કે ભારત અને પાકિસ્તાન જેવા ક્ટ્ટર રહીફો વચ્ચેની મેચ ટિકિટ લાખો રૂપિયામાં વેચાઈ રહી છે.
આજથી શરૂ થયેલા ક્રિકેટ વર્લ્ડ કપમાં પ્રથમ પગલું રાઉન્ડ-રોબિન મોડલ હશે, જેમાં ભાગ લેનારી તમામ 10 ટીમો એકબીજા સાથે રમશે, એટલે કે કુલ 45 મેચો રમાશે. રાઉન્ડ-રોબિનના અંતે ટોપ-4 ટીમ સેમિ-ફાઇનલ માટે ક્વોલિફાય થશે.
પ્રથમ અને ચોથા સ્થાને રહેલી ટીમો 15 નવેમ્બરે મુંબઈમાં પ્રથમ સેમીફાઈનલ રમશે, જ્યારે બીજા અને ત્રીજા સ્થાને રહેલી ટીમો 16 નવેમ્બરે કોલકાતામાં બીજી સેમીફાઈનલ રમશે.
અમદાવાદના નરેન્દ્ર મોદી સ્ટેડિયમમાં 14 ઓક્ટોબરે ભારત અને પાકિસ્તાન વચ્ચે કાંટાની ટક્કર જોવા મળવાની છે ત્યારે ક્રિકેટ ચાહકોમાં હંમેશા ઉત્સાહ જોવા મળે છે. એશિયા કપ 2023 દરમિયાન છેલ્લી બે મેચ વરસાદને કારણે ધોવાઈ ગઈ હતી.
14 ઓક્ટોબરે યોજાનારી વર્લ્ડ કપની મેચમાં દર્શકો બંને ટીમો વચ્ચેનો ઉત્સાહ વધુ વધારી શકે છે. જો તમે સ્ટેડિયમમાં બેસીને આ મેચ લાઈવ જોવાનું વિચારી રહ્યા છો, તો તમારે ટિકિટ ખરીદવી પડશે. હાલમાં બુક માય શો પર ભારત પાકિસ્તાન મેચની ટિકિટની કિંમત 2000 રૂપિયા બતાવવામાં આવી રહી છે, પરંતુ તમે અત્યારે તેને બુક કરી શકતા નથી.
ટિકિટોની વધુ માંગને ધ્યાનમાં રાખીને, વેબસાઇટે બુકિંગ હોલ્ડ પર રાખ્યું છે. જણાવી દઈએ કે, જ્યારે બુકિંગ ફરી શરૂ થશે ત્યારે તમારે ટિકિટ કેવી રીતે ખરીદવી પડશે.
અહીં આવી રીતે બુકિંગ કરો
- BookMyShow પર જાઓ. અથવા તમે સીધા ICC વર્લ્ડ કપની સત્તાવાર વેબસાઇટ પર જઈ શકો છો.
- તમારું મનપસંદ શહેર પસંદ કરો જ્યાં તમે મેચ જોવા માંગો છો. અથવા તમે તમારી મનપસંદ ટીમ પસંદ કરો.
- એકવાર તમે શહેર પસંદ કર્યા પછી તમે નીચે તે શહેરમાં થતી મેચ ચેક કરો.
- આગળ તમે જે મેચ જોવા માંગો છો તે પસંદ કરો.
- BOOK વિકલ્પ પર ક્લિક કરો.
- જો તમારી પાસે પહેલેથી જ એકાઉન્ટ છે તો તમે બુકિંગ પૃષ્ઠ પર સીધી વિગતો જોશો.
- જો તમારી પાસે એકાઉન્ટ નથી, તો તમારે એક બનાવવાની જરૂર પડશે.
- તમને કેટલી સીટ જોઈએ છે તે પસંદ કરો અને તમારી પસંદગીની સીટ પસંદ કરો.
- પેમેન્ટ કરો પછી તમારી ટિકિટ બુક થઈ જશે.
Click it and Unblock the Notifications
Sign in with Google
