મોન્સુન અપડેટઃ પશ્ચિમ દરિયાકિનારે સતત ભારે વરસાદ, માછીમારોને ચેતવણી

અરબ સાગર દરિયાકિનારે સતત ભારે વરસાદ ચાલુ રહેતા ભારતીય હવામાન વિભાગે જણાવ્યુ છે કે આ વરસાદ આગામી 3-4 દિવસ સુધી ચાલુ રહી શકે છે. દક્ષિણ પશ્ચિમ ચોમાસાએ હવે સમગ્ર ભારતને આવરી લેતા દેશના બીજા અન્ય ભાગોમાં પણ વરસાદ પડી રહ્યો છે.

ભારતીય હવામાન વિભાગના તાજેતરના બુલેટિનમાં જણાવવામાં આવ્યુ હતુ કે ઉત્તરપૂર્વ બંગાળની ખાડીમાં અપર એર સર્ક્યુલેશનના કારણે પશ્ચિમ બંગાળ અને ઓડિશામાં વરસાદ સતત ચાલુ છે.

છત્તીસગઢ, મધ્ય ભારતના અમુક ભાગો અને ઉત્તર દ્વીપકલ્પમાં આગામી 3-4 દિવસમાં વરસાદી પ્રવૃત્તિમાં વધારો થઈ શકે છે તેમ તેમાં વધુમાં ઉમેરવામાં આવ્યુ છે.
અમૃતસર, ચંદીગઢ, શાહજહાંપુર, ગોરખપુર, નવાડા, બંકુરા, દિઘા પરથી ચોમાસાની ધરી પસાર થવાનું ચાલુ છે અને ત્યારબાદ તે પૂર્વ દક્ષિણ તરફથી પૂર્વ મધ્ય બંગાળની ખાડી તરફ ફંટાશે તેમ ભારતીય હવામાન વિભાગના તાજેતરના અપડેટ (6 જુલાઈ 9 pm)માં જણાવવામાં આવ્યુ હતુ.

આગામી 3-4 દિવસ દરમિયાન સમુદ્રની સ્થિતિ મધ્ય અરબ સાગર પર ખૂબ જ રફ રહેવાની સંભાવના છે. આ સમયગાળા દરમિયાન માછીમારોને આ વિસ્તારમાં પ્રવેશ ન કરવાની સલાહ આપવામાં આવી છે. 6 જુલાઈના રોજ ભારતીય હવામાન વિભાગ, પણજીએ શનિવારે અને રવિવારે ગોવામાં બારે વરસાદની ચેતવણી આપી હતી. ગોવામાં ગુરુવારે રાત્રે ભારે વરસાદ પડતાં રાજ્યના ઘણા વિસ્તારોમાં પૂર આવ્યુ છે અને ધોરીમાર્ગો સહિતના મુખ્ય માર્ગો ઘૂંટણ સુધીના પાણી ભરાઈ ગયા છે. આ કારણે ગોવામાં શુક્રવારે સામાન્ય જનજીવન પર અસર પડી હતી. રાજધાનીના કેટલાક ભાગોમાં પણ પૂર આવ્યુ હતુ જેના કારણે શુક્રવારે સવારે ટ્રાફિક જામના દ્રશ્યો સર્જાયા હતા. ભારતીય હવામાન વિભાગે આવતા 24 કલાક દરમિયાન માછીમારોને દરિયો ન ખેડવાની સલાહ આપી છે.

English summary

India as the South Western monsoon has now covered the entire nation.