બોલાવી રહ્યો છે કુંભનો મેળો, જરૂર ખોવાઇ જશો તસવીરોમાં

Updated: Sunday, January 13, 2013, 19:46 [IST]

ઇલાહાબાદ, 13 જાન્યુઆરી: આખી દુનિયામાં સૌથી મોટા ધાર્મિક મેળા તરીકે જાણીતો કુંભનો મેળો શરૂ થવાના આરે છે જેની તૈયારીઓ લગભગ પૂરી થઇ ગઇ છે. આ મેળો હંમેશથી દુનિયાભરના લોકો માટે આકર્ષણનું કેન્દ્ર બની રહ્યો છે. અત્રે નાગા સાધુ તો આવે જ છે સાથે સાથે દુનિયાભરના પ્રવાસીઓ પણ આ મેળામાં સહર્ષ ઉમટી પડે છે. કુંભનો મેળો 12 વર્ષમાં માત્ર એક વખત જ થાય છે. કુંભનો મેળો એકમાત્ર એવો મેળો છે જ્યાં કોઇ નદીમાં ડૂબકી લગાવીને પવિત્ર થવા, તો કોઇ ધાર્મિક કાર્ય કરવા માટે, તો કોઇ આ મેળામાં આનંદ માણવા માટે અત્રે ઉમટી પડે છે.

કુંભનો મેળો ઇલાહાબાદમાં આવેલા સંગમ તટ પર થાય છે. એવું માનવામાં આવે છે કે મકરસંક્રાંતિ અને પોષ પૂર્ણિમાંના દિવસે અત્રે સ્નાન કરવાથી પૂણ્યની પ્રાપ્તી થાય છે. માટે આ દિવસે અહીં સ્નાન કરવા માટે દુનિયાભરમાંથી તિર્થયાત્રીઓ આવે છે અને પૂણ્ય પ્રાપ્તિ માટે પ્રાર્થના કરે છે. આ મેળો એક માસ સુધી ચાલતો રહે છે.

ઉત્તર પ્રદેશ સરકારે મેળાનું આયોજન કરાવવા માટે પૂરતી સુરક્ષા વ્યવસ્થા તેમજ અન્ય સુવિધાઓ ઉભી કરી છે. જેના પગલે દુર્ઘટનાને ટાળી શકાય. પુણ્યની ડૂબકી માટે આસ્થાથી ભરપૂર માનવમહેરામણની ઉપસ્થિતિ એટલે મેળાઓનો રાજા કુંભ મેળાની તૈયારીથી લઇને તમામ હલચલને નિહાળો તસવીરોમાં અને ખોવાઇ જાવ કુંભના મેળામાં...

દુનિયાનો સૌથી મોટો ધાર્મિક મેળો એટલે કુંભનો મેળો

કુંભનો મેળો હંમેશથી દુનિયાભરના લોકો માટે આકર્ષણનું કેન્દ્ર બની રહ્યો છે.કુંભનો મેળો એકમાત્ર એવો મેળો છે જ્યાં કોઇ નદીમાં ડૂબકી લગાવીને પવિત્ર થવા, તો કોઇ ધાર્મિક કાર્ય કરવા માટે, તો કોઇ આ મેળામાં આનંદ માણવા માટે અત્રે ઉમટી પડે છે.