ઇન્ડિયન મુજાહિદ્દીનના 21 આતંકીઓને શોધવા ચક્રો ગતિમાન

હૈદરાબાદ, 22 ફેબ્રુઆરી: હૈદરાબાદ વિસ્ફોટ મામલમાં ઇન્ડિયન મુજાહિદ્દીન આતંકવાદી પર શંકાની સોઇ વધુ દ્રઢ બનતી જઇ રહી છે. સૂત્રોના જણાવ્યા અનુસાર 2012માં ઇન્ડિયન મુજાહિદ્દીન આતંકી રિયાજ ભટકલના કહેવા પર ઇમરાન અકરમ અને અન્ય એક શખ્સે દિલસુખનગરની રેક કરીને સંપૂર્ણ જાણકારી રિયાજ ભટકલને આપી હતી.

હૈદરાબાદ બ્લાસ્ટ બાદ આઇએમની 21 આતંકીઓને પકડી પાડવા ચક્રો ગતિમાન કરી દીધા છે. તેમાં આઇએમના સંસ્થાપક યાસીન અને રિયાઝ ભટકલનો પણ સમાવેશ થાય છે. તપાસ એજન્સીઓને શંકા છે કે તે 21 ચહેરા દુનિયાના અલગ અલગ વિસ્તારોમાં રહે છે, જેની તેમને તલાશ છે.

તપાસ એજન્સીઓને એ પણ શંકા છે કે આ 21 આતંકીઓમાંથી 4 આતંકવાદીઓ શારજાહમાં રહે છે. જ્યારે રિયાઝ ભટકલ સહિત કેટલાક આતંકવાદીઓ પાકિસ્તાનમાં છૂપાયેલા છે. જોકે એજન્સીઓને એવી પણ શંકા છે કે ભટકલ નેપાળમાં પણ સંતાયેલો હોઇ શકે છે.

English summary

indian mujahideen's 21 terrorist hit list in hyderabad blast.