VIDEO: સુષ્મા સ્વરાજને મળીને બોલી હામિદ અનસારીની મા, ‘મેરા ભારત મહાન'
સુષ્મા સ્વરાજ સાથે જ્યારે હામિદની ઈમોશનલ મા ફોજિયા મળી તો તેમણે કહ્યુ, ‘મેરા ભારત મહાન'.
પાકિસ્તાનની પેશાવર સેન્ટ્રલ જેલમાંથી છૂટીને આવેલા ભારતીય નાગરિક હામિદ નેહાલ અનસારીએ દિલ્લીમાં વિદેશ મંત્રી સુષ્મા સ્વરાજ સાથે મુલાકાત કરી છે. હામિદ સાથે તેમની મા ફોજિયા, પિતા નેહાલ અને ભાઈ ખૈલ અનસારી પણ હાજર હતા. સુષ્મા સ્વરાજ સાથે જ્યારે હામિદની ઈમોશનલ મા ફોજિયા મળી તો તેમણે કહ્યુ, 'મેરા ભારત મહાન' હામિદને મંગળવારે જેલમાંથી છોડવામાં આવ્યો હતો. હામિદ મુંબઈનો રહેવાસી છે અને પોતાની ગર્લફ્રેન્ડને મળવા પાકિસ્તાન ગયા હતા. દિલ્લી પહોંચવા પર હામિદે કહ્યુ, 'મને ઘરે પાછા આવવા પર ઘણુ સારુ લાગી રહ્યુ છે અને હું અત્યારે ખૂબ જ ભાવુક છુ.'
'બધુ મેડમે કર્યુ છે'
હામિદ અનસારી બુધવારે સુષ્મા સ્વરાજને મળ્યા અને અહીં વિદેશ મંત્રીએ તેમને પ્રેમથી ગળે મળ્યા. હામિદની આંખોમાં આંસુ હતા તો તેમની મા પણ પોતાના પુત્રના પાછા આવવાની ખુશી છૂપાવી શકતા નહોતા. પુત્ર સાથે મુલાકાત બાદ જ્યારે સુષ્મા ફોજિયાને મળ્યા તો તેમના આંસુ નીકળી ગયા. ફોજિયાએ ખુશીના આંસુઓ સાથે સુષ્માને કહ્યુ, 'મેરા ભારત મહાન, બધુ મેડમે કર્યુ છે.' ફોજિયાએ મંગળવારે પુત્રના સકુશળ પાછા આવવાનો શ્રેય ભારત અને પાકિસ્તાનની સરકારને આપ્યો હતો. હામિદ, પાકિસ્તાનની પેશાવર સેન્ટ્રલ જેલમાં બંધ હતા. મંગળવારે તે વાઘા બોર્ડરના રસ્તે દેશમાં પહોંચ્યા છે. તેમની નવેમ્બર 2012માં જાસૂસીના આરોપમાં ધરપકડ કરવામાં આવી હતી.
અનસારી પાસે મળ્યુ હતુ નકલી ઓળખપત્ર
વાઘા બોર્ડર પર હામિદની મા ફોજિયા અને પિતા નેહાલ અનસારી પુત્રને લેવા માટે પહોંચ્યા હતા. હામિદના માતાપિતા ત્રણ વર્ષ બાદ પુત્રના જેલમાંથી બહાર આવવાના સમાચાર પર ઘણા ખુશ છે. તેમણે કહ્યુ કે તેમના પુત્રના ઈરાદા ખોટા નહોતા અને તે નેક ઈરાદા સાથે પાકિસ્તાન ગયા હતા. જો કે તેમણે એમ પણ કહ્યુ કે તેમના પુત્રએ યોગ્ય વિઝા લઈને પાકિસ્તાન જવુ જોઈતુ હતુ. સોમવારે પાકિસ્તાનના વિદેશ મંત્રાલય તરફથી નિવેદન જારી કરવામાં આવ્યુ હતુ. ભારત તરફથી વારંવાર પાકિસ્તાનને એ વાતનો અનુરોધ કરવામાં આવ્યો હતો કે અનસારીને ભારતીય રાજદૂતને મળવા દેવામાં આવે.
#WATCH Indian National Hamid Ansari who came to India after being released from a Pakistan jail yesterday, meets External Affairs Minister Sushma Swaraj in Delhi. His mother tells EAM "Mera Bharat mahaan, meri madam mahaan, sab madam ne hi kiya hai." pic.twitter.com/FQEzz99Ohm
— ANI (@ANI) 19 December 2018
આ પણ વાંચોઃ Pics: પ્રિયંકા સાથે રજાઓ માણવા શિમલા પહોંચ્યા રાહુલ, ઢાબા પર પીધી કૉફી, ખાધી મેગી