ભારતની અત્યાર સુધીની સૌથી મોટી ડેટા ચોરી, 81.5 કરોડ લોકોની પર્સનલ માહિતી લીક
નવી દિલ્લીઃ ભારતના ઈતિહાસમાં સૌથી મોટા ડેટા ચોરી થવાના ચોંકાવનારા સમાચાર સામે આવ્યા છે. જેમાં 81.5 કરોડ ભારતીયોનો સંવેદનશીલ ડેટા ડાર્ક વેબ પર બહાર આવ્યો હતો.
ઇન્ડિયન કાઉન્સિલ ઓફ મેડિકલ રિસર્ચ (ICMR)ના ડેટાબેઝમાંથી ચોરી કરીને આ ડેટા લેવામાં આવ્યો હતો. જોકે, ડેટા ક્યાંથી લીક થયો એ હજુ પણ રહસ્ય છે. હેકર "pwn0001" એ ડાર્ક વેબ પર ચોરેલા ડેટાને પ્રમોટ કર્યા બાદ સમગ્ર બાબત સેન્ટ્રલ બ્યુરો ઑફ ઇન્વેસ્ટિગેશન (CBI)ના ધ્યાનમાં આવી અને તેમણે આ લીકની તપાસ શરૂ કરી.
હેકરે ચોરી કરેલા ડેટામાં લાખો ભારતીયોના નામ, ફોન નંબર, આધાર અને પાસપોર્ટની વિગતો તેમજ અસ્થાયી અને કાયમી રહેઠાણો સામેલ છે. હેકરના જણાવ્યા અનુસાર, આ ડેટા ICMR દ્વારા કોવિડ-19 ટેસ્ટિંગ કરતી વખતે એકત્ર કરાયેલા ડેટામાંથી લેવામાં આવ્યો છે.
અમેરિકન ઇન્ટેલિજન્સ અને સાયબર સિક્યુરિટી સંગઠન, ReSecurityએ ડેટા લીકની પ્રારંભિક શોધ કરી હતી. 9 ઑક્ટોબરના રોજ, "pwn0001" યુઝર દ્વારા ડેટા ચોરીની માહિતી જાહેર કરવામાં આવી હતી, જેમણે "ભારતીય નાગરિક આધાર અને પાસપોર્ટ" સંબંધિત માહિતી સહિત 815 મિલિયન રેકોર્ડની ઉપલબ્ધતાની જાહેરાત કરી હતી.
સંશોધકોએ શોધી કાઢ્યું હતું કે ચોરાયેલી સામગ્રીમાં ભારતીય નાગરિકોની અંગત માહિતી સહિત 100,000 ફાઇલોનો સમાવેશ થાય છે. આમાંના કેટલાક રેકોર્ડની ચકાસણી સરકારી પોર્ટલની "આધાર ચકાસો" સુવિધાનો ઉપયોગ કરીને કરવામાં આવી હતી, જે આધાર ડેટાની ચકાસણી કરે છે.
કોમ્પ્યુટર ઈમરજન્સી રિસ્પોન્સ ટીમ ઓફ ઈન્ડિયા (CERT-In) દ્વારા બ્રીચ અંગે પણ જાણ કરવામાં આવી છે. આરોગ્ય મંત્રાલય, ICMR અને નેશનલ ઇન્ફોર્મેટિક્સ સેન્ટર (NIC) સહિત અનેક સરકારી એજન્સીઓ પાસે COVID-19 ટેસ્ટ ડેટા હોવાથી ડેટા ચોરીનુ ચોક્કસ સ્થાન નક્કી કરવું મુશ્કેલ છે.
તમને જણાવી દઈએ કે ભારતમાં સાયબર અપરાધીઓએ આ વર્ષની શરૂઆતમાં AIIMSના 1TB ડેટા પર ઈન્સ્ટિટ્યૂટના સર્વર તોડ્યા બાદ અને મોટી ખંડણીની માંગણી કરીને નિયંત્રણ મેળવ્યું હતું. ચીનીઓએ ડિસેમ્બર 2022 માં થોડા મહિનાઓ અગાઉ AIIMS દિલ્હીનો ડેટા હેક કર્યો હતો અને તેઓએ ક્રિપ્ટોકરન્સીમાં 200 કરોડ રૂપિયાની માંગણી કરી હતી.
Click it and Unblock the Notifications
Sign in with Google
