સ્પૉટ ફિક્સિંગના આરોપમાં વિંદુ દારા સિંહની ધરપકડ
નવી દિલ્હી, 21 મે: આઇપીએલમાં સ્પૉટ ફિક્સિંગમાં ત્રણ ખેલાડીઓ બાદ બૉલીવુડ અભિનેતા વિંદુ દારા સિંહની મુંબઇ પોલીસે ધરપકડ કરી લીધી છે. દારા સિંહના પુત્ર વિંદુ દારા સિંહની બુકી રમેશ વ્યાસની પુછપરછ બાદ ધરપકડ કરવામાં આવી છે. બુકી રમેશ વ્યાસની પહેલાં જ સ્પૉટ ફિક્સિંગના આરોપમાં ધરપકડ કરવામાં આવી છે.
આ પહેલાં આજે આઇપીએલમાં સ્પૉટ ફિક્સિંગના આરોપમાં ધરપકડ કરવામાં આવેલા ત્રણ ક્રિકેટરો સહિત 11 બુકીઝની દિલ્હીની સાકેતથી ધરપકડ કરવામાં આવી છે. સૂત્રોનું માનીએ તો દિલ્હી પોલીસ શ્રીસંત અને અન્ય ત્રણ આરોપીઓના રિમાન્ડની માંગણી કરશે. શ્રીસંત, અજીત ચંદીલા, અંકિત ચૌહાણ અને 11 બુકીઝના આજે પાંચ દિવસના રિમાન્ડ પુરા થઇ રહ્યાં છે.
વિશેષ પોલીસ કમિશ્નર એસએન શ્રીવાસ્તવે જણાવ્યું હતું કે હજુ આરોપીઓ સાથે પુછપરછ કરવામાં આવશે. આ ત્યારે નક્કી કરવામાં આવશે કે આરોપીને રિમાંડ પર લાવવામાં આવે કે નહી. જો કે માનવામાં આવે છે કે પોલીસ કેટલાક આરોપીને ફરીથી રિમાંદ પર લાવવાનો પ્રયત્ન કરશે.