મઝીદને 1 ભારતીયે બતાવ્યો હતો ISIS સાથે જોડાવાનો રસ્તો

મુંબઇ, 30 નવેમ્બર: ઇરાકમાં આતંકવાદી સંગઠન ઇસ્લામિક સ્ટેટ (આઇએસઆઇએસ) માટે લડીને ભારત પરત ફરેલા મઝીદનું નાર્કો ટેસ્ટ, લાઇ ડિટેક્ટર ટેસ્ટ કરવામાં આવશે. એનઆઇએને આશા છે કે આ ટેસ્ટથી ઘણા બધા રાજ ખુલશે. જોકે એનઆઇએ આના માટે ટૂંક સમયમાં કોર્ટમાં એપ્લિકેશન દાખલ કરવાની છે.

એનઆઇએ એ જાણવા માગે છે કે આરિફ મજીદ જતા પહેલા કોના સંપર્કમાં હતો અને તે કેવી રીતે સંગઠન આઇએસઆઇએસથી જોડાયો. આ તમામ ખુલાસા નાર્કો ટેસ્ટ અને લાઇ ડિટેક્ટરથી સામે આવી શકે છે. ઇરાક અને સીરિયામાં સક્રિય ખતરનાક આતંકી સંગઠન આઇએસઆઇએસમાં સામેલ થવા ગયેલા આરિફ મજીદે અત્યાર સુધી ઘણા ખુલાસ કર્યા છે.

મુંબઇનો રહેનાર આરિફ મઝીદ પોલિટેકનિક ઇંસ્ટીટ્યૂટમાં અભ્યાસ કરી રહ્યો હતો. તે દરમિયાન તે આઇએસઆઇએસથી પ્રભાવિત થઇ ગયો. એનઆઇએની પૂછપરછમાં આરિફ મઝીદે જણાવ્યું કે હું આઇએસઆઇએસથી પ્રભાવિત હતો, તેના માટે લડવા માંગતો હતો. મેં તેના માટે પોતાના પોલિટેકનિક ઇંસ્ટીટ્યૂટના વધું 43 વિદ્યાર્થીઓને પણ તૈયાર કરવાની પણ કોશીશ કરી. પરંતુ આખરે મારા ત્રણ મિત્રો જ તૈયાર થયા. અમે એક વેબસાઇટ દ્વારા આઇએસઆઇએસ સાથે સંપર્ક સાધવાની કોશીશ કરી. અમારો આ વેબસાઇટ દ્વારા જે શખ્સ સાથે સંપર્ક થયો તે પણ ભારતીય જ હતો, તેણે અમને આઇએસઆઇએસમાં સામેલ થવાનો રસ્તો બતાવ્યો.

સૂત્રો દ્વારા મળેલી જાણકારી અનુસાર આ શખ્સ કર્ણાટકના બીજાપુરનો રહેનારો છે, તેણે જ આરિફ મઝીદ અને તેના ચાર સાથિયોને ઇરાક બોલાવ્યા. આરિફ મઝીદ અનુસાર ચારેય યુવકોને પહેલા ઇરબિલ અને પછી મોસુલ લઇ જવામાં આવ્યા. મોસુલ પહોંચીને અરીબના ત્રણ મિત્રો ડરી ગયા અને તેમણે તેનો સાથ છોડી દીધો.

English summary

ISIS: Arif Majeed, Who May Have Been Assigned a Task for India, Sent to NIA Custody Till December 8.