ચંદ્રયાન-3એ મોકલેલા નવા ફોટા ઈસરોએ કર્યા શેર, અવકાશમાંથી આવા દેખાય છે પૃથ્વી અને ચંદ્ર

ચંદ્રયાન-3 દરરોજ તેના મિશનમાં એક પગલું આગળ વધી રહ્યું છે. રોજેરોજ એક યા બીજા નવા અપડેટ્સ જોવા મળી રહ્યા છે. ISROએ હવે લેટેસ્ટ માહિતી શેર કરી છે. વાસ્તવમાં, ISROએ લેન્ડર દ્વારા કેપ્ચર કરાયેલ પૃથ્વી અને ચંદ્રની તસવીરો શેર કરી છે.

તમને જણાવી દઈએ કે જ્યારે ચંદ્રયાન-3 અવકાશમાં પહોંચ્યું ત્યારે તેના લેન્ડર પર લાગેલા લેન્ડર ઈમેજર (LI) કેમેરાએ પૃથ્વીની તસવીર લીધી હતી.

ચંદ્રયાન-3 એ ચંદ્રની ત્રીજી ભ્રમણકક્ષામાં પહોંચ્યાના એક દિવસ પછી લેન્ડર હોરિઝોન્ટલ વેલોસિટી (LHVC) કેમેરાથી આ ફોટો કેપ્ચર કર્યો હતો. તમને જણાવી દઈએ કે ચંદ્રયાન-3 મિશન 14 જુલાઈના રોજ લૉન્ચ કરવામાં આવ્યું હતું. ત્યારથી ચંદ્રયાન-3 એક પછી એક સફળતાના પગથિયા ચડી રહ્યું છે. વળી, ચંદ્રયાન-3 એ 5 ઓગસ્ટના રોજ ચંદ્રની ભ્રમણકક્ષામાં પ્રવેશ કર્યો હતો.

ઇસરોએ બુધવારે (9 ઓગસ્ટ) એક ટ્વિટમાં જણાવ્યું હતું કે ચંદ્રયાન-3 ચંદ્રની સપાટીની વધુ નજીક પહોંચી ગયું છે. ચંદ્રયાન-3ની ભ્રમણકક્ષા ઘટીને 174 કિમી x 1437 કિમી એટલે કે 250038 ચોરસ કિમી થઈ ગઈ છે. તેમણે કહ્યું કે આગામી ઑપરેશન 14 ઑગસ્ટ, 2023ના રોજ 11:30થી 12:30ની વચ્ચે નક્કી કરવામાં આવ્યું છે.

Chandrayaan-3 Misson | Earth viewed by Lander Imager (LI) Camera on the day of the launch & Moon imaged by Lander Horizontal Velocity Camera (LHVC) a day after the Lunar Orbit Insertion: ISRO pic.twitter.com/CqMOKqywZP

— ANI (@ANI) August 10, 2023

English summary

ISRO released the first images of the Moon and Earth captured by the Chandrayaan-3 spacecraft.