ફિલ્મી અંદાજમાં ટ્રેન હાઇજેક, ખતરનાક ગેંગસ્ટરને મુક્ત કરાયો

છત્તીસગઢ, 7 ફેબ્રુઆરી: ગોંદિયા-રાયગઢ વચ્ચે ચાલનારી જનશતાબ્દી એક્સપ્રેસને બુધવારે સાંજે હુમલાવરોએ ફિલ્મી અંદાજમાં હાઇજેક કરી લીધી હતી. ડ્રાઇવરના કાન પર પિસ્તોલ લગાવીને કુમ્હારી-સરોના વચ્ચે હુમલાખોરોએ ટ્રેનને બળજબરીપૂર્વક ઉભી રખાવી અને કોર્ટમાં હાજર થવા આવેલા ગેંગસ્ટર ઉપેન્દ્રને પોલીસના કબજામાંથી છોડાવી ફાયરીંગ કરી નાસીછૂટ્યા હતા. પોલીસે હુમલાખોરોની શોધ માટે રાયપુર અને દુર્ગ જિલ્લાની બોર્ડર સીલ કરી દિધી છે.

જ્યારે પીછો કરવામાં આવ્યો તો જે કારમાં આ બદમાશ ભાગી રહ્યો હતો તે દુર્ગના પાટણ પાસે કાર પલટી ખાઇ ગઇ હતી. ત્યારબાદ હુમલાખોરો કાર મૂકીને ચાલતાં ભાગી ગયાં હતા.

પોલીસે કારમાંથી ચાર મોબાઇલ અને એક લાખ રૂપિયા રોકડા જપ્ત કર્યા છે. મોડી રાત સુધી હુમલાખોરો અંગે કોઇ સંકેત મળ્યા ન હતા. હુમલામાં કેદીને કોર્ટમાં હાજર કરવા માટે આવેલા ત્રણ પોલીસકર્મીઓને ઇજા પહોંચી છે. સુપેલા સ્થિત હોસ્પિટલમાં બે પોલીસકર્મીઓની સારવાર ચાલુ છે.

English summary

Around a dozen miscreants on Wednesday evening “hijacked” Gondia-Durg Jan Shatabdi Express near Sarona railway station.