હેટ્રીક બદલ મોદીને આપ્યા અમિતાભ-જયલલિતાએ અભિનંદન
ગુજરાતમાં મોદીના નેતૃત્વવાળી ભારતીય જનતા પાર્ટી એકવાર ફરી સત્તા બનાવવા જઇ રહી છે. જયલલિતાએ પત્રકારોને જણાવ્યું કે તેમણે મોદીને ટેલિફોન કરીને તેમની શાનદાર જીત માટે અભિનંદન પાઠવ્યા હતા. મોદીએ તેમની શુભકામના માટે આભાર વ્યક્ત કર્યો હતો.
આ ઉપરાંત ગુજરાત ટુરિઝમના બ્રાન્ડ એમ્બેસડર અને બોલિવુડના બાદશાહ અમિતાભ બચ્ચને પણ ગુજરાતમાં ફરી સરકાર બનાવવા બદલ નરેન્દ્ર મોદીને અને તેમના પક્ષને અભિનંદન પાઠવ્યા છે.
અત્રે ઉલ્લેખનીય છે કે નરેન્દ્ર મોદીના નેતૃત્વમાં ભાજપ જંઘી બહુમતથી ગુજરાત વિધાનસભાની ચૂંટણીમાં ભવ્ય વિજય મેળવ્યો છે. ભાજપે આ વખતે 115 બેઠકો અને કોંગ્રેસના ફાળે 61 બેઠકો આવી છે. જ્યારે જીપીપીના ફાળે 2 અને અને અન્યના ફાળે 4 બેઠક આવી છે.
Click it and Unblock the Notifications
Sign in with Google
