Karnataka Election 2023: ભાજપમાં 16 દિવસમાં રાજીનામાના ઢગલો, જાણો કોણે પકડ્યો કોંગ્રેસનો પાલવ

Karnataka Election 2023: કર્ણાટકમાં વિધાનસભા ચૂંટણીનુ એલાન થયાના 16 દિવસમાં જ સત્તાધારી ભાજપમાં રાજીનામાનો ઢગલો થઈ ગયો છે. છેલ્લા 16 દિવસમાં ભાજપમાં રાજીનામા અને રિટાયરમેન્ટનો વરસાદ થઈ ગયો છે.

અમુક વરિષ્ઠ નેતાઓ ભાજપથી નારાજ થઈને વિપક્ષનો પાલવ પકડી ચૂક્યા છે. જ્યારે અને અમુક હાથ પકડવાના છે. ભારતીય જનતા પાર્ટી (BJP) એ તેના ઉમેદવારોની પ્રથમ અને બીજી યાદી જાહેર કરતાની સાથે જ પાર્ટીના ઘણા બહિષ્કૃત નેતાઓએ બળવો શરૂ કર્યો.

તેમની નારાજગી એટલા માટે હતી કારણ કે ભાજપે નવા ચહેરાઓ અને પક્ષપલટુને પ્રાધાન્ય આપવા માટે તેમની ટિકિટ કાપી નાખી હતી. 29 માર્ચે ચૂંટણીની તારીખો જાહેર થયા બાદ ભાજપના કેટલા વર્તમાન ધારાસભ્યો ભાજપ છોડીને અન્ય પક્ષમાં જોડાયા અને કેટલાએ સક્રિય રાજકારણમાંથી રાજીનામુ આપ્યુ છે અથવા નિવૃત્તિ લીધી છે, તે અહીં જાણીએ.

કર્ણાટકના ભૂતપૂર્વ ઉપ મુખ્યમંત્રી લક્ષ્મણ સાવદીએ બે દિવસ પહેલા ભાજપ છોડી દીધુ હતુ કારણ કે પક્ષપલટો કરનાર મહેશ કુમથહલ્લીને ભાજપે તેમના મતવિસ્તાર અથનીમાંથી ઉમેદવાર તરીકે મેદાનમાં ઉતાર્યા હતા. શુક્રવારે સવારે બેંગલુરુમાં પ્રદેશ કોંગ્રેસ અધ્યક્ષ ડીકે શિવકુમાર અને પૂર્વ મુખ્યમંત્રી સિદ્ધારમૈયાને મળ્યા અને પછી કોંગ્રેસમાં જોડાયા. સાવદી એટલા ગુસ્સામાં હતા કે તેમણે એમ પણ કહી દીધુ કે તેમના મૃત્યુ પછી ભાજપ કાર્યાલયની સામેથી તેમની અર્થી પણ લઈ જવામાં ન આવે.

ગોપાલકૃષ્ણ ચિત્રદુર્ગમાં મોલાકલમુરુ વિધાનસભા બેઠક પરથી ચાર વખત કોંગ્રેસના ધારાસભ્ય હતા અને 2018માં ભાજપમાં જોડાયા અને કુદલિગી બેઠક પર ચૂંટણી લડ્યા અને જીત્યા તે પહેલાં બેલ્લારી બેઠક પરથી એક વખતના કોંગ્રેસના ધારાસભ્ય હતા.

ગોપાલકૃષ્ણ અનુસૂચિત જનજાતિ વાલ્મિકી નાયક સમુદાયના છે અને તેમનો પરિવાર બી શ્રીરામુલુ જેવા ભાજપના નેતાઓ સાથે નજીકના જોડાણ માટે જાણીતો છે, જેઓ પણ તે જ ST સમુદાયના છે. ગોપાલકૃષ્ણએ 2018માં ટિકિટ ન મળતાં રાજીનામુ આપી દીધુ હતુ. બીજી તરફ ભાજપના પુતન્ના અને બાબુરાવ ચિંચનસૂરે ભાજપમાંથી રાજીનામુ આપી કોંગ્રેસમાં જોડાયા છે.

શાસક પક્ષે ટિકિટ માટેની તેમની વિનંતીની અવગણના કર્યાના એક દિવસ પછી BJP MLC આર શંકરે પણ વિધાન પરિષદમાંથી રાજીનામુ આપ્યુ હતુ. આર શંકર 17 વિપક્ષી ધારાસભ્યોમાંના એક હતા જેમણે 2019માં કોંગ્રેસ-JD(S) ગઠબંધન સરકારને નીચે લાવવામાં ભાજપને મદદ કરી હતી. શંકર રાણેબેનનુરથી ચૂંટણી લડવા આતુર હતા પરંતુ અરુણ કુમાર પૂજારને તેમની જગ્યાએ લેવામાં આવ્યા હતા.

મુદિગેરેના ભાજપ ધારાસભ્ય એમ પી કુમારસ્વામીએ બુધવારે પાર્ટીમાંથી રાજીનામુ આપવાની જાહેરાત કરી હતી અને રાષ્ટ્રીય મહાસચિવ સીટી રવિને નામાંકિત ન કરવાનો આરોપ લગાવ્યો હતો. ટિકિટ ન મળતાં સાંસદ કુમારસ્વામીએ ભાજપમાંથી રાજીનામુ આપી દીધુ છે. સૂત્રોના જણાવ્યા મુજબ સાંસદ કુમારસ્વામી જેડીએસમાં જોડાઈ શકે છે, જો અનુસૂચિત જાતિ સમુદાયના નેતા જેડીએસમાં નહીં જોડાય તો તેઓ અપક્ષ તરીકે ચૂંટણી લડી શકે છે.

પાંચ વખત ભાજપના ધારાસભ્ય હલ્દી શ્રીનિવાસ શેટ્ટીએ ચૂંટણી નહીં લડવાની જાહેરાત કરી હતી. કોઈપણ રીતે, ભાજપે આ વખતે પાંચ વખતથી વધુ વખત ચૂંટણી જીતનારાઓને બદલે નવા લોકોને મેદાનમાં ઉતારવાની જાહેરાત કરી દીધી છે. આ સિવાય વરિષ્ઠ નેતા ઈશ્વરપ્પાએ પણ ચૂંટણી નહીં લડવાની જાહેરાત કરીને નિવૃત્તિ લઈ લીધી હતી.

કર્ણાટક ભાજપના સીટી રવિને ટિકિટ ન મળતા તેઓ ઉદાસ દેખાતા હતા અને પાર્ટી પર આકરા પ્રહારો કર્યા હતા. બીજી તરફ હિજાબ વિવાદમાં હેડલાઇન્સમાં આવેલા ઉડપીના ધારાસભ્ય રઘુપતિ ભટને ટિકિટ ન મળવા પર રડી પડ્યા હતા.

કર્ણાટક ચૂંટણી પહેલા પૂર્વ સીએમ જગદીશ શેટ્ટરે ટિકિટ ન મળવાની આશંકા દર્શાવતા બળવાખોર વલણ દાખવ્યુ હતુ. જોકે ભાજપ દ્વારા હજુ 12 ઉમેદવારોના નામની યાદી બહાર પાડવામાં આવી નથી. આ યાદીમાં શેટ્ટરને ટિકિટ મળશે, તે તેના પર આશા રાખી રહ્યા છે.

વળી, ચૂંટણીની તારીખ જાહેર થયાના એક દિવસ પછી, ગુબ્બીમાંથી ચાર વખત જેડીએસના ધારાસભ્ય રહી ચૂકેલા શ્રીનિવાસ કોંગ્રેસમાં જોડાયા.

English summary

Karnataka Election 2023: Many resignations in BJP in last 16 days, know how many joined Congress.