Karnataka Result : નેશનલ પાર્ટીઓ કરતા NOTA ને વધુ મત મળ્યા, જાણો કેટલા ટકા મત પડ્યા?
દેશમાં નફરતની રાજનીતિ કરતી બીજેપીને કર્ણાટકના લોકોએ મોટો પાઠ ભણાવ્યો છે. લોકોના મુળ મુદ્દાઓને છોડીને હિન્દુ-મુસ્લિમ કરતી અને લોકોને ઉશ્કેરતી બીજેપીની હાર સાથે દેશમાં ઘણા સમીકરણો બદલાઈ ગયા છે. જો કે કર્ણાટકમાં બીજેપી સહિતની તમામ પાર્ટીઓને નકારતા ઘણા લોકોએ નોટાને પણ મત આપ્યા છે.
કર્ણાટકમાં કેટલીક નેશનલ પાર્ટીઓને મળેલા મતો કરતાં વધુ NOTA માં વધુ મત પડ્યા છે. આંકડા અનુસાર, નોટામાં કુલ 2 લાખ 60 હજારથી વધુ મત પડ્યા છે. આટલી મોટી સંખ્યામાં લોકોએ તમામ પાર્ટીઓને નકારી છે.
કર્ણાટકમાં સાંજે 7.15 વાગ્યા સુધી કુલ મતદાનમાંથી NOTAને 0.69% મત મળ્યા હતા. કેટલાક રાષ્ટ્રીય રાજકીય પક્ષો પણ આટલા મત મેળવી શક્યા નથી. EVM પર 2013 થી લોકોને NOTA વિકલ્પ મળે છે.
ચૂંટણી પંચના આંકડા અનુસાર NOTAને મળેલા મત કરતા 3 નેશનલ પાર્ટીઓને ઓછા મત મળ્યા છે. આ પાર્ટીઓમાં CPM ને માત્ર 0.06% વોટ, યુપી જેવા સૌથી મોટા રાજ્યમાં સત્તામાં રહેલી બસપાને નોટાથી અડધા મત પણ મળ્યા નથી.
કર્ણાટકમાં બસપાને માત્ર 0.31% મત મળ્યા છે. આ સિવાય દિલ્હી અને પંજાબમાં બહુમતી સાથે સત્તામાં રહેલી આમ આદમી પાર્ટીને પણ કર્ણાટકમાં નિરાશાનો સામનો કરવો પડ્યો છે. પાર્ટીને રાજ્યમાં માત્ર 0.58% વોટ મળ્યા, જે NOTA કરતા પણ ઓછા છે.
Click it and Unblock the Notifications
Sign in with Google
