અરવિંદ કેજરીવાલે કોંગ્રેસ પાસે રેલીનો હિસાબ માંગ્યો

નવી દિલ્હી, 5 નવેમ્બર : કોંગ્રેસે રવિવાર, 4 નવેમ્બર, 2012ના રોજ દિલ્હીમાં યોજેલી રેલી સામે ઇન્ડિયા અગેઇન્સ કરપ્શને પ્રશ્ન ઉઠાવ્યો છે. ઇન્ડિયા અગેઇન્સ કરપ્શનના અરવિંદ કેજરીવાલે કોંગ્રેસને પ્રશ્ન પૂછ્યો છે અને જવાબ માંગ્યો છે કે આ રેલીમાં કોંગ્રેસે કેટલા રૂપિયા ખર્ચ કર્યા છે.

કેજરીવાલે પૂછ્યું છે કે રેલી માટે ખાસ ટ્રેન્સ અને બસો દોડાવવામાં આવી હતી. કોંગ્રેસે આ પાછળ કેટલો ખર્ચ કર્યો તેનો હિસાબ આપવો જોઇએ. કેજરીવાલે જણાવ્યું કે "કોંગ્રેસ કહેતી ફરે છે કે તેઓ આરટીઆઇનો કાયદો લાવ્યા છે તો તેમણે આ જ કાયદા હેઠળ જનતા સમક્ષ જાહેર કરવું જોઇએ કે તેમણે કેટલો ખર્ચ કર્યો છે."

નોંધનીય છે કે કેજરીવાલ એક પણ મુદ્દે કોંગ્રેસને ઘેરવાનું ચૂકતા નથી. ત્યારે એક પ્રશ્ન એ પણ ઉઠે છે કે તેઓ માત્ર કોંગ્રેસ પાસેથી જ કેમ હિસાબ માંગે છે. નીતિશ કુમારે પટનામાં જે રેલી યોજી હતી તેના ખર્ચનો હિસાબ કેમ માંગ્યો નથી.

English summary

Arvind Kejriwal asks to Congress to show their expenditure of really.