પોલિંગ બૂથ પર 93 વર્ષના 'ખન્ના અંકલ'ને મળ્યાં સ્મૃતિ ઈરાની, કહ્યું- ખન્ના અંકલ અસલી હીરો
પોલિંગ બૂથ પર 93 વર્ષના 'ખન્ના અંકલ'ને મળ્યાં સ્મૃતિ ઈરાની, કહ્યું- ખન્ના અંકલ અસલી હીરો
મહારાષ્ટ્ર વિધાનસભા ચૂંટણી માટે મતદાન ચાલી રહ્યું છે. કેન્દ્રીય મંત્રી સ્મૃતિ ઈરાની મુંબઈના એક બૂથ પર વોટ નાખવા પહોંચ્યાં. આ દરમિયાન તેમની મુલાકાત 93 વર્ષના રિટાયર્ડ સૈનિક સાથે થઈ. સ્મૃતિ ઈરાની બહુ આત્મીયતાથી આ વૃદ્ધને મળ્યાં અને તેમને ગળે લગાવ્યા. સ્મૃતિ ઈરાનીએ કહ્યું કે ખન્ના અંકલ આજના હીરો છે. સ્મૃતિએ કહ્યું કે જે લોકો મતદાન આપવા પણ આળસ અનુભવે છે તેમના માટે ખન્ના અંકલ પ્રેરણા સ્ત્રોત છે. કહ્યું કે જો ખન્ના અંકલ 93 વર્ષે મતદાન કરી રહ્યા હોય તો તમને મતદાન કરવાથી કોણે રોક્યા છે?
93 વર્ષા ખન્ના અંકલને મળ્યાં સ્મૃતિ
કેન્દ્રીય મંત્રી સ્મૃતિ ઈરાનીને મળી 93 વર્ષના ખન્નાજીએ કહ્યું કે સ્મૃતિ ઈરાનીએ જે કામ કર્યું તે કોઈએ નથી કર્યું. રિટાયર્ડ સૈનિક ખન્ના સવારથી સ્મૃતિ ઈરાનીનો ઈંતેજાર કરી રહ્યા હતા. સ્મૃતિ ઈરાની જ્યારે મળ્યાં ત્યારે તેમણે પોતાના ઘર માટે ખરીદેલાં ફળ પણ કેન્દ્રીય મંત્રીને ભેટ આપી દીધાં. ખન્ના અંકલ સાથે મુલાકાત બાદ સ્મૃતિ ઈરાનીએ કહ્યું કે, 'ખન્ના જી આજના હીરો છે, તેમણે આર્મીમાં સેવા આપી છે. તેઓ 93 વર્ષના છે અને વોટ નાખવા નિકળ્યા છે, ખન્ના જી પ્રેરણા સ્ત્રોત છે, હું લોકોને અનુરોધ કરું છું કે ઘરની બહાર નીકળો અને મતદાન કરો, જો 93 વર્ષની ઉંમરમાં ખન્ના જી વોટિંગ કરવા માટે બહાર નીકળી શકતા હોય તો તમને કોણે રોક્યા છે?'
|
ગણાવ્યા અસલી હીરો
જણાવી દઈએ કે સોમવારે મહારાષ્ટ્ર વિધાનસભા ચૂંટણી માટે મતદાન થઈ રહ્યું છે. તાજા આંકડા મુજબ બપોરે બે વાગ્યા સુધી 30.63 ટકા મતદાન થયું છે. મહારાષ્ટ્રના વાશિમમાં એક સખી મતદાન કેન્દ્ર બનાવવામાં આવ્યું, જ્યાં સુરક્ષાબળ સહિત તમામ મતદાન કર્મી મહિલા છે. અહીં સવારથી મતદાતાઓની ભારે ભીડ જોવા મળી રહી છે. આગામી અઠવાડિયે દિવાળીને જોતા મતદાન કેન્દ્રોએ જતા રસ્તાઓ પર રંગોળી બનાવવાાં આવી છે અને મુખ્ય દ્વાર પર 'શેપ ટુમોરો બાઈ વોટિંગ ટુડે' લખ્યું છે. 24મી ઓક્ટોબરે ચૂંટણી પરિણામો જાહેર થઈ જશે.
કડક સુરક્ષા વ્યવસ્થા
મહારાષ્ટ્રની 288 વિધાનસભા સીટ પર વોટિંગને જોતાં રાજ્ય પોલીસ અને કેન્દ્રીય બળોના ત્રણ લાખથી વધુ જવાનોને તહેનાત કરી દેવામાં આવ્યા છે. મહારાષ્ટ્ર વિધાનસભા ચૂંટણીા પરિણામો 24મી ઓક્ટોબરે ઘોષિત કરવામાં આવશે.
કેજરીવાલનો આરોપ, સત્તા મેળવતાં જ દિલ્હીમાં ભાજપ વીજળી સબ્સિડી ખતમ કરી દેશે