Kolkata Doctor Case: કોલકત્તા રેપ-હત્યાકાંડ: ડૉક્ટર્સની દેશવ્યાપી હડતાળ શરૂ, જાણો 5 માંગ
Kolkata Doctor Case: ઇન્ડિયન મેડિકલ એસોસિએશન (IMA) એ કોલકાતાની RG કાર મેડિકલ કોલેજ અને હોસ્પિટલ ખાતે તાલીમાર્થી મહિલા ડૉક્ટર પર ક્રૂર બળાત્કાર અને હત્યાના વિરોધમાં 17 ઓગસ્ટ શનિવારના રોજ સવારે 6 વાગ્યાથી 24 કલાક માટે બિન-ઇમરજન્સી સેવાઓ બંધ રાખવાની જાહેરાત કરી છે.
આ હડતાલ સમગ્ર દેશમાં ચાલી રહી છે. હોસ્પિટલ અને ઓપીડી 24 કલાક બંધ રહેશે.
આ રાષ્ટ્રવ્યાપી હડતાલના સંદર્ભમાં, IMA એ 5 માંગણીઓ આગળ મૂકી છે, જેમાં નિવાસી ડૉકટર્સના કામકાજ અને રહેવાની સ્થિતિમાં વ્યાપક ફેરફારો અને કાર્યસ્થળો પર આરોગ્ય વ્યાવસાયિકો સામે હિંસા રોકવા માટે કેન્દ્રીય કાયદો બનાવવાનો સમાવેશ થાય છે.
IMAએ એક નિવેદનમાં જણાવ્યું હતું કે, તમામ આવશ્યક સેવાઓ ચાલુ રહેશે.
હડતાલ ક્યાં સુધી ચાલશે? - હોસ્પિટલમાં શું ખુલ્લું છે અને શું બંધ રહેશે? ઈન્ડિયન મેડિકલ એસોસિએશન (IMA)ની દેશવ્યાપી હડતાળ 17 ઓગસ્ટના રોજ સવારે 6 વાગ્યાથી શરૂ થઈ ગઈ છે. જે બીજા દિવસે એટલે કે 18મી ઓગસ્ટ સવારે 6 વાગ્યા સુધી ચાલુ રહેશે.
સરકારી અને ખાનગી હોસ્પિટલોમાં આ હડતાલ ચાલુ છે. IMAના આહ્વાન પર દેશની તમામ હોસ્પિટલોના ડૉક્ટર્સ આજે કોલકત્તા બળાત્કાર-હત્યાનો વિરોધ કરશે.
હડતાલ દરમિયાન ઇમરજન્સી સેવાઓ ચાલુ રહેશે, પરંતુ ઓપીડી સહિત અન્ય સેવાઓ બંધ રહેશે.
ઈમરજન્સીની સાથે ગંભીર દર્દીઓને પણ સારવાર આપવામાં આવશે. આ 24 કલાકમાં ઓપીડી અને પહેલેથી જ નિર્ધારિત ઓપરેશન થશે નહીં.
IMAની 5 માંગણીઓ શું છે?
1. IMA એ આરજી કાર હોસ્પિટલ પીડિતાની 36-કલાકની ડ્યુટી શિફ્ટ અને આરામ કરવા માટે સલામત સ્થાનોના અભાવ સહિત નિવાસી ડૉક્ટર્સના કામકાજ અને રહેવાની સ્થિતિમાં વ્યાપક ફેરફારોની માંગ કરી હતી.
2. IMA એ કેન્દ્રીય અધિનિયમ માટે દબાણ કર્યું, જે 2023 માં 2019 ના સૂચિત હોસ્પિટલ પ્રોટેક્શન બિલમાં રોગચાળાના રોગો અધિનિયમ 1897 માં કરવામાં આવેલા સુધારાઓને સમાવિષ્ટ કરશે. તેઓ માને છે કે, આ પગલું 25 રાજ્યોમાં હાલના કાયદાને મજબૂત બનાવશે.
IMA એ પણ સૂચન કર્યું છે કે, આ પરિસ્થિતિમાં કોવિડ-19 રોગચાળા દરમિયાન લાગુ કરવામાં આવેલા એક સમાન વટહુકમ યોગ્ય રહેશે.
3. ડૉક્ટર્સના સંગઠને 14 ઓગસ્ટની રાત્રે આરજી કાર હોસ્પિટલ પરિસરમાં તોડફોડ કરનારાઓની ઓળખ અને સજાની માંગ કરી છે, આ ઉપરાંત ગુનાની કાળજીપૂર્વક અને વ્યવસાયિક રીતે તપાસ કરવા અને નિર્ધારિત સમયમર્યાદામાં ન્યાય પ્રદાન કરવાની માંગ કરી છે.
4. IMA એ પણ જણાવ્યું હતું કે, તમામ હોસ્પિટલોના સુરક્ષા પ્રોટોકોલ એરપોર્ટ કરતા ઓછા ન હોવા જોઈએ. ફરજિયાત સુરક્ષા અધિકારો સાથે હોસ્પિટલોને સલામત ઝોન તરીકે જાહેર કરવું એ પ્રથમ પગલું છે.
5. IMAએ જણાવ્યું હતું કે, CCTV કેમેરા, સુરક્ષા કર્મચારીઓની તૈનાતી અને પ્રોટોકોલનું પાલન કરી શકાય છે. સંગઠને પીડિત પરિવારને ન્યાયી અને સન્માનજનક વળતરની માંગ કરી છે.
Click it and Unblock the Notifications
Sign in with Google
