અમેઠી, 17 એપ્રિલ: આમ આદમી પાર્ટીના અમેઠીથી ઉમેદવાર કુમાર વિશ્વાસે સનસનીજખેજ દાવો કર્યો છે. કુમાર વિશ્વાસે ગુરૂવારે આરોપ લગાવ્યો છે કે કોંગ્રેસ ઉપાધ્યક્ષ રાહુલ ગાંધી અને તેમની બહેન પ્રિયંકા ગાંધીના એક ખાસ વ્યક્તિએ તેમણે જાન મારવાની ધમકી આપી છે.
કુમાર વિશ્વાસે પોતાના આ દાવાની પુષ્ટિ માટે એક વીડિયો પોસ્ટ કર્યો છે. આ વીડિયોમાં એક વ્યક્તિની કાર પાછળ દોડતા અને એમ કહેતા દર્શાવવામાં આવ્યો છે કે તે કુમાર વિશ્વાસને ગોળી મારી દેશે. જવાબમાં પ્રિયંકા તે વ્યક્તિને કહે છે કે તેને આ પ્રકારની વાત ન કરવી જોઇએ. વીડિયો અનુસાર પ્રિયંકા તે વ્યક્તિને વાતચીત માટે ગેસ્ટ હાઉસમાં આવવા માટે કહે છે.
અત્રે ઉલ્લેખનીય છે કે કુમાર વિશ્વાસ અમેઠીથી રાહુલ ગાંધી વિરૂદ્ધ ચૂંટણી લડી રહ્યાં છે. રાહુલ ગાંધી અમેઠી સીટ પરથી સાંસદ છે. કવિમાંથી નેતા બનેલા કુમાર વિશ્વાસ ઘણા સમયથી અમેઠીમાં પોતાના માટે ચૂંટણી પ્રચાર કરી રહ્યાં છે. ભાજપે અહીં નાના પડદાની અભિનેત્રી રહી ચૂકેલી સ્મૃતિ ઇરાનીને મેદાનમાં ઉતારી છે
<center><iframe width="100%" height="360" src="//www.youtube.com/embed/8wJVXmI9Ebs?feature=player_embedded" frameborder="0" allowfullscreen></iframe></center>.