LBT : વેપારીઓ લડાયક બન્યા, ગુરુવારે જેલ ભરો આંદોલન

મુંબઇ, 15 મે : છેલ્લા કેટલાય દિવસથી ફેડરેશન ઑફ અસોસિએશન્સ ઑફ મહારાષ્ટ્ર (ફામ) દ્વારા લોકલ બોડી ટેક્સ અંગે વિરોધ થઈ રહ્યો છે. આ વિરોધ હવે ઉગ્ર સ્વરૂપ ધારણ કરી રહ્યો છે. આ જ કારણે આવતી કાલે, ગુરૂવારે વેપારીઓએ ‘જેલ ભરો આંદોલન'ની જાહેરાત કરી છે. હવે વેપારીઓ સરકાર સામે લડી લેવાના મૂડમાં આવી ગયા છે. કરો યા મરો જેવી સ્થિતિમાં વેપારીઓ પોતાની માંગણી સંતોષાવા માટે સરકાર સામે પડ્યા છે.

મહારાષ્ટ્રમાં લોકલ બોડી ટેક્સ (એલબીટી) દૂર કરવા બાબતે સરકારના ઉદાસીન વલણને લઈ જથ્થાબંધ બજારો બંધ જ રહેશે, જ્યારે તહેવારોને ધ્યાનમાં લઈ છેલ્લા બે દિવસથી દુકાનો ચાલુ કરનાર છુટક દુકાનદારો ફરી ગુરુવારથી બંધમાં જોડાશે.

પુણેમાં ગઈ કાલે વેપારીઓએ જંગી રેલી કાઢી હતી. LBTના મુદ્દે વેપારીઓ કોઈ બાંધછોડ કરવા તૈયાર નથી. તેમણે હાકલ કરી છે કે જ્યાં સુધી LBT નહીં હટે ત્યાં સુધી બેમુદત બંધ ચાલુ રહેશે.

English summary

LBT : Traders in fighting mood, fill the jail agitation tomorrow.