Liquor Policy: CBI તપાસ મામલે સિસોદીયાની અરજી પર સુનવણી ટળી, 17 માર્ચ સુધી કસ્ટડીમાં રહેશે

દિલ્હી એક્સાઇઝ પોલિસી સંબંધિત CBI કેસમાં મનીષ સિસોદિયાની જામીન અરજી પર શુક્રવારે સુનાવણી થઈ શકી ન હતી.

દિલ્હીના પૂર્વ ડેપ્યુટી સીએમ મનીષ સિસોદિયા તિહાર જેલના સેલ નંબર-1માં કેદ છે. ગુરુવારે તેની જામીન અરજી પર સુનાવણી હાથ ધરવામાં આવશે, જેને દિલ્હીની રાઉઝ એવન્યુ કોર્ટે 21 માર્ચ સુધી મુલતવી રાખી છે. આ સાથે જ કોર્ટે AAP નેતા અને દિલ્હીના પૂર્વ નાયબ મુખ્યમંત્રી મનીષ સિસોદિયાને એક્સાઇઝ પોલિસી કેસમાં 17 માર્ચ સુધી ED રિમાન્ડ પર મોકલી દીધા છે.

પૂર્વ ડેપ્યુટી સીએમ સિસોદિયાની દિલ્હી લિકર પોલિસીમાં કથિત ભ્રષ્ટાચારના સંબંધમાં 26 ફેબ્રુઆરીએ ધરપકડ કરવામાં આવી હતી. EDએ દિલ્હીના કથિત દારૂ કૌભાંડ કેસમાં પૂર્વ ડેપ્યુટી સીએમ મનીષ સિસોદિયાના 10 દિવસના રિમાન્ડની માંગ કરી છે. બીજી તરફ, શુક્રવારે સીબીઆઈ તપાસ સાથે સંબંધિત કેસમાં કસ્ટડી અંગેની તેમની જામીન અરજી પર સુનાવણી મોકૂફ રાખવામાં આવી હતી. રાઉઝ એવન્યુ કોર્ટ હવે 21 માર્ચે આ અંગે સુનાવણી કરશે. આ ઉપરાંત EDની રિમાન્ડની માંગણીને ધ્યાનમાં લઈને કોર્ટે આ આદેશ જારી કર્યો હતો. જે અંતર્ગત મનીષ સિસોદિયાને 17 માર્ચ સુધી ED રિમાન્ડ પર મોકલવામાં આવ્યા છે.

તમને જણાવી દઈએ કે પૂર્વ ઉપમુખ્યમંત્રી મનીષ સિસોદિયાની દિલ્હી લિકર પોલિસી સાથે જોડાયેલા કથિત ભ્રષ્ટાચારના મામલે 26 ફેબ્રુઆરીએ ધરપકડ કરવામાં આવી હતી. તેમને તિહાર જેલમાં રાખવામાં આવ્યા છે. જો તેને સીબીઆઈ કેસમાં જામીન મળશે તો ઈડી તેને કસ્ટડીમાં લેશે. જે બાદ સિસોદિયાને પૂછપરછ માટે ED હેડક્વાર્ટર લઈ જવામાં આવશે.

અહેવાલો અનુસાર સિસોદિયાનું નિવેદન નોંધવાની સાથે અન્ય આરોપીઓનો સામનો કરવામાં આવશે. આ સાથે, તપાસ એજન્સીઓ મનીષ સિસોદિયાની કથિત બદલી અને તેના સેલફોનને નષ્ટ કરવા અને દિલ્હીના આબકારી મંત્રી તરીકે લીધેલા નિર્ણયો અંગે પૂછપરછ કરી શકે છે.

English summary

Liquor Policy: Hearing on Sisodia's Bail plea in CBI investigation case averted