રાષ્ટ્રીય રાજમાર્ગો પરની દારૂની દુકાનો બંધ કરો : કેન્દ્ર સરકાર

નવી દિલ્હી, 30 મે : આવનારા છૂબ જ ઓછા સમયમાં નેશનલ હાઈવે પર દારૂની દુકાનો ચાલતી હશે તો તેને બંધ કરવામાં આવશે. કેન્દ્ર સરકારે રાજ્ય સરકારોને નેશનલ હાઈવે પર દારૂની દુકાનો હટાવવા તથા કંપનીઓને નવા લાયસન્સ બહાર ના પડાવાની સલાહ આપી છે. આ નિર્ણય રાષ્ટ્રીય રાજમાર્ગો પર દરૂ પીધા બાદ કરવામાં આવતા ડ્રાઇવિંગને કારણે થતા ગમખ્વાર માર્ગ અકસ્માતોની સંખ્યા ઘટાડવા માટે કરવામાં આવ્યો છે.

રોડ ટ્રાન્સપોર્ટ અને ધોરીમાર્ગ વિભાગે રાજ્યનાં મુખ્ય સચિવોને હાલમાં કહ્યું છે કે 'રાષ્ટ્રીય હાઈવે પર જે દારૂની દુકાનો છે તેને વહેલી તકે હટાવાય અને નેશનલ હાઈ વે પર દારૂની દુકાન ચલાવનારાઓને નવા લાયસન્સ ઈપવામાં ના આવે.'

વિભાગે રાજ્યોને સલાહ આપી છે કે, તેમણે આ અંગે સમીક્ષા કરવી જોઈએ. નોંધનીય છે કે, દારૂ પીને ગાડી ચલાવવાને કારણે વર્ષ 2009થી 2011ની વચ્ચે હાઈવે પર 82,807 અકસ્માતો સર્જાયા છે જેને ધ્યાનમાં લેતા કેન્દ્રે રાજ્ય સરકારોને સલાહ આપી છે.

English summary

Liquor shops on National Highway should be closed : Central Government.