Lok sabha Election 2024: ગુજરાત સહિત આ રાજ્યમાં ભાજપને મળશે પૂરી બેઠક

Lok sabha Election 2024: લોકસભા ચૂંટણીના પ્રથમ તબક્કા હેઠળ શુક્રવારના રોજ મતદાન થવાનું છે. ચૂંટણી પંચ દ્વારા સામાન્ય ચૂંટણીની તારીખોની જાહેરાત થઈ, ત્યારથી જ ભારતીય જનતા પાર્ટી (BJP) પોતાના દમ પર 370થી વધુ અને NDA ગઠબંધનની 400થી વધુ બેઠકો જીતવાનો દાવો કરી રહી છે.

ભારતીય જનતા પાર્ટીનો દાવો છે કે, આ ચૂંટણીમાં તે ભૂતકાળના ઘણા રેકોર્ડ તોડવા જઈ રહી છે. આ જ કારણ છે કે, વડાપ્રધાન મોદી સહિત ભાજપના તમામ મોટા નેતાઓ તેમના ચૂંટણી પ્રચાર દરમિયાન સામાન્ય જનતાને આ વખતે 400ને પાર કરવાના લક્ષ્ય સુધી પહોંચવામાં કોઈ કસર છોડવા માંગતા નથી.

એનડીટીવીના પોલ ઓફ પોલમાં જે પરિણામો સામે આવ્યા છે, તેનાથી સ્પષ્ટ થાય છે કે, આગામી ચૂંટણીમાં ભાજપ અને એનડીએ તેમનું અત્યાર સુધીનું શ્રેષ્ઠ પ્રદર્શન આપવા જઈ રહ્યા છે.

એનડીટીવીના પોલ ઓફ પોલ્સ અનુસાર, ભાજપ આ સામાન્ય ચૂંટણીમાં ખાસ કરીને કેટલાક કેન્દ્રશાસિત પ્રદેશો સહિત 8 રાજ્યોમાં ક્લીન સ્વીપ કરવા જઈ રહી છે.

જે રાજ્યોમાં ભાજપ ક્લીન સ્વીપ કરી શકે છે, તેમાં દિલ્હી, ગુજરાત, રાજસ્થાન, અરુણાચલ પ્રદેશ, ચંદીગઢ, દમણ અને દીવ, દાદરા અને નગર હવેલી, ઉત્તરાખંડ અને હિમાચલ પ્રદેશનો સમાવેશ થાય છે.

અત્રે ઉલ્લેખનીય બાબત છે કે, દિલ્હીમાં લોકસભાની કુલ 7 બેઠકો છે, ત્યારે ગુજરાતમાં 26, રાજસ્થાનમાં 25, અરુણાચલ પ્રદેશમાં 2, ચંદીગઢમાં એક, દમણ અને દીવમાં એક, દાદરા અને નગર હવેલીમાં બે બેઠકો છે. આ સાથે ઉત્તરાખંડમાં 5 અને હિમાચલ પ્રદેશમાં 4 બેઠકો છે.

English summary

Lok sabha Election 2024: BJP will get full seats in this state including Gujarat