Lok Sabha Election : બિહારમાં કેટલા ચરણમાં મતદાન થશે?
લોકસભા ચૂંટણી માટે ઈલેક્શન કમિશનની પ્રેસ કોન્ફ્રન્સ કરવા જઈ રહી છે. ઈલેક્શન કમિશન 16 માર્ચે ચૂંટણીની તારીખો જાહેરાત કરવા જઈ રહી છે ત્યારે મોટા રાજ્યોની તારીખોને લઈને અટકળો શરૂ થઈ છે.
2024 લોકસભા ચૂંટણીની તારીખો શનિવારે 16 માર્ચે જાહેર કરવામાં આવશે. એક તરફ પાર્ટીઓ પોતાના ઉમેદવારોની જાહેરાત કરી રહી છે તો બીજી તરફ ચૂંટણીની ઔપચારિક જાહેરાતની ઘણા દિવસોથી રાહ જોવાઈ રહી હતી.
સૂત્રો અનુસાર આ વખતે બિહારમાં છથી સાત તબક્કામાં ચૂંટણી યોજાઈ શકે છે. આ અંગેની જાહેરાત શનિવારે કરવામાં આવશે.
2019ની લોકસભા ચૂંટણીની વાત કરીએ તો કુલ સાત તબક્કામાં મતદાન થયું હતું. બિહારમાં પણ સાત તબક્કામાં ચૂંટણી પૂરી થઈ હતી. પ્રથમ તબક્કો 11 એપ્રિલે હતો. જેમાં 20 રાજ્યોની 91 સીટો પર મતદાન થયું હતું. પ્રથમ તબક્કામાં બિહારની ચાર બેઠકો પર મતદાન થયું હતું. બીજો તબક્કો 18મી એપ્રિલે હતો. જેમાં 13 રાજ્યોની 97 સીટો પર ચૂંટણી યોજાઈ હતી. જેમાં બિહારની પાંચ સીટો સામેલ હતી.
ત્રીજા તબક્કામાં 23 એપ્રિલે મતદાન થયું હતું. 14 રાજ્યોની 115 બેઠકો માટે લોકોએ મતદાન થયુ હતું. ત્રીજા તબક્કામાં બિહારની પાંચ બેઠકો પર મતદાન થયું હતું. ચોથો તબક્કો 29 એપ્રિલે હતો. નવ રાજ્યોની 71 બેઠકો પર મતદાન થયું હતું. આમાં બિહારની પાંચ બેઠકો હતી.
પાંચમો તબક્કો 6 મેના રોજ હતો. સાત રાજ્યોની 51 બેઠકો પર મતદાન થયું હતું. પાંચમા તબક્કામાં બિહારની પાંચ બેઠકો પર મતદાન થયું હતું. છઠ્ઠો તબક્કો 12 મેના રોજ હતો. જેમાં સાત રાજ્યોની 59 બેઠકો પર ચૂંટણી યોજાઈ હતી. જેમાં બિહારની આઠ સીટો સામેલ હતી. સાતમા તબક્કાની ચૂંટણી 19 મેના રોજ યોજાઈ હતી. આઠ રાજ્યોમાં 59 બેઠકો માટે ચૂંટણી યોજાઈ હતી. જેમાં બિહારની આઠ બેઠકો પર મતદાન થયું હતું.
Click it and Unblock the Notifications
Sign in with Google
