Lok Sabha Security Breach : સંસદ સુરક્ષામાં ભંગ કરવામાં કુલ 6 લોકો સામેલ, 4 લોકો પકડાયા

સંસદ પર આતંકી હુમલાની 22મી વરસી પર છ લોકોએ ફરીથી સંસદની અંદર અને બહાર સુરક્ષાની ધજ્જીયા ઉડાવી છે. આ તમામ લોકો છેલ્લા ચાર વર્ષથી એકબીજાના સંપર્કમાં હોવાનો ખુલાસો થયો છે.

પોલીસ સુત્રો અનુસાર, આરોપીઓ સુરક્ષા ભંગના થોડા દિવસો પહેલા સાથે મળીને આયોજન કર્યું હતું. આ પછી તેમને આને અંજામ આપ્યો.

પોલીસ સૂત્રો અનુસાર, આ આરોપીઓ યોજનાને અંજામ આપતા પહેલા ગુરુગ્રામના એક મકાનમાં રોકાયા હતા. આ કેસમાં પોલીસે અત્યાર સુધીમાં એક મહિલા સહિત ચાર લોકોની અટકાયત કરી છે, જ્યારે બાકીના બેની શોધખોળ ચાલુ છે.

છ લોકોમાંથી 5 દિલ્હીની બહારના છે અને ઘટના પહેલા ગુરુગ્રામમાં એક જગ્યાએ રોકાયા હતા. આમાંથી બે યુવકો સંસદમાં ઓડિયન્સ ગેલેરીમાંથી સાંસદની બેન્ચ પર અચાનક કૂદ્યા અને હંગામો ઉભો કર્યો.

બન્નેએ ગેસ છોડ્યો અને સૂત્રોચ્ચાર કર્યા. આ દરમિયાન સાંસદોએ તેને કાબુ કર્યા અને ફટકાર્યા. બંને યુવકોની ઓળખ સાગર શર્મા અને મનોરંજન ડી તરીકે થઈ છે.

બીજી તરફ સંસદ સંકુલ બહાર એક પુરુષ અને મહિલાએ રંગીન ગેસ છાંટ્યો અને જોરથી સરકાર વિરોધી નારા લગાવ્યા. બંનેની ઓળખ અનમોલ અને નીલમ તરીકે થઈ છે.

પોલીસ સૂત્રો અનુસાર, પ્રાથમિક તપાસમાં ચારેય એકબીજાને ઓળખતા હોવાનું બહાર આવ્યું છે. સૂત્રોએ અનુસાર, તેઓ સોશિયલ મીડિયા પર એકબીજા સાથે જોડાયેલા હતા અને યોજના બનાવી હતી.

સુત્રો અનુસાર, દિલ્હી બહારથી આવેલા પાંચેય વ્યક્તિઓ ગુરુગ્રામમાં લલિત ઝા નામના વ્યક્તિના ઘરે સાથે રહ્યા હતા. જ્યારે અન્ય પાંચની ઓળખની પુષ્ટિ કરવામાં આવી છે, છઠ્ઠી વ્યક્તિ અજ્ઞાત છે. એજન્સીના આંતરિક સૂત્રોના જણાવ્યા અનુસાર, સમગ્ર ઓપરેશનનું કાળજીપૂર્વક આયોજન કરવામાં આવ્યું હતું.

English summary

Lok Sabha Security Breach : Total 6 people involved in parliament security breach, 4 people arrested