Lok sabha securtiy breach: લોકસભામાં ઘૂસણખોરી કરનારના પિતાએ કહ્યું - કોઈ ભૂલ કરી હોય તો ફાંસીને માચડે ચડાવી દો
Lok sabha securtiy breach:લોકસભામાં બુધવારના રોજ સુરક્ષામાં મોટો ભંગ જોવા મળ્યો હતો. કારણ કે, મુલાકાતીઓની ગેલેરીમાંથી બે માણસોએ કૂદકો માર્યો હતો અને નીચલા ગૃહને પીળા ધુમાડાથી ભરતા ડબ્બા ખોલ્યા હતા.
તેઓ ટ્રેઝરી બેન્ચ સુધી પહોંચવાનો પ્રયાસ કરતા જ સુરક્ષાકર્મીઓએ તેમની ધરપકડ કરી હતી. આ બંને શખ્સોએ મૈસૂર ભાજપના સાંસદ પ્રતાપ સિમ્હા પાસેથી પાસ મેળવ્યા હતા. આ બે લોકોની ઓળખ સાગર શર્મા અને મનોરંજન કર્ણાટકના મૈસુરના રહેવાસી તરીકે થઈ છે.
દેવરાજેગૌડાએ જણાવ્યું હતું કે, મને ખબર નથી કે, તેમને લોકસભા પાસ કેવી રીતે મળ્યો. તે અવારનવાર બેંગ્લોર અને દિલ્હી જતો હતો. તેમની પાસે સ્વામી વિવેકાનંદના સેંકડો પુસ્તકો હતા. તેણે જે પણ કર્યું છે, તે નિંદનીય છે. જો તેણે કોઈ ભૂલ કરી હોય, તો તેને ફાંસીની સજા થવી જોઈએ.
મનોરંજન દેવરાજેગૌડાના એકમાત્ર પુત્ર છે. મૈસુર છોડતા પહેલા તેમણે તેમના માતા-પિતાને જણાવ્યું હતું કે, તે બેંગ્લોર જઈ રહ્યો છે. તેના માતા-પિતાને તેની દિલ્હી મુલાકાત વિશે કોઈ જાણ ન હતી.
પ્રત્યક્ષદર્શી લોકસભામાં બનેલી ઘટનાને યાદ કરતા જણાવે છે કે, જ્યારે આ ઘટના બની, ત્યારે કર્ણાટકના મોહન દાનપ્પા પણ મુલાકાતીઓની ગેલેરીમાં હાજર હતા. દાનપ્પાએ જણાવ્યું હતું કે, તેઓ પણ આ ઘટનાથી ચોંકી ગયા હતા.
દાનપ્પાએ જણાવ્યું હતું કે, અમે ગેલેરી નંબર 1 માં હતા, તે (મનોરંજન) ગેલેરી નંબર 2 માં હતો. અચાનક, તે ગેલેરીમાંથી કૂદી પડ્યો અને ટેબલથી ટેબલ પર કૂદવા લાગ્યો હતો. ત્યારપછી તેણે તેના એક જૂતામાંથી ડબ્બો કાઢીને છાંટ્યો. અન્ય સાંસદોએ તેમને ઘેરી લીધા હતા અને સુરક્ષા અધિકારીઓએ તેમની ધરપકડ કરી હતી. તે કેટલાક સૂત્રોચ્ચાર કરી રહ્યો હતો, પરંતુ હું તે સાંભળી શક્યો નહીં. અમે ઘણા સાંસદોની ચીસો સાંભળી હતી.
Click it and Unblock the Notifications
Sign in with Google
