Loksabha Election : પહેલી યાદીમાં બીજેપીએ જાતિ સમીકરણ ગોઠવ્યા, જાણો કેટલા SC-ST અને OBC?
આવનારી લોકસભા ચૂંટણી માટે બીજેપીએ ઉમેદવારોની પહેલી યાદી જાહેર કરી દીધી છે. 195 આ લિસ્ટમાં ઉમેદવારોની આ યાદીમાં બીજેપીએ જાતિ સમીકરણ ગોઠવવાનો પ્રયાસ કર્યો છે.
બીજેપીએ શનિવારે આગામી લોકસભા ચૂંટણી માટે તેના ઉમેદવારોની આ પ્રથમ યાદી જાહેર કરી. આ યાદીમાં 195 ઉમેદવારોના નામ જાહેર કરવામાં આવ્યા છે. ખાસ વાત એ છે કે તેમાં 10 સૌથી શક્તિશાળી છે.
આ પ્રબળ દાવેદારોમાં PM નરેન્દ્ર મોદીનો સમાવેશ થાય છે, જેઓ ત્રીજી વખત વારાણસીથી ચૂંટણી લડશે અને ગૃહમંત્રી અમિત શાહને ગુજરાતના ગાંધીનગરથી ફરીથી મેદાનમાં ઉતારવામાં આવ્યા છે.
રક્ષા મંત્રી રાજનાથ સિંહ લખનૌથી ચૂંટણી લડશે અને સ્મૃતિ ઈરાની અમેઠીથી ચૂંટણી લડશે, જ્યાં તેમણે 2019માં કોંગ્રેસના નેતા રાહુલ ગાંધી સામે જીત મેળવી હતી. ભાજપે આ યાદીમાં જ્ઞાતિઓનું ખાસ ધ્યાન રાખ્યું છે.
બીજેપીએ તેની પ્રથમ યાદીમાં 34 કેન્દ્રીય અને રાજ્ય મંત્રીઓ અને બે પૂર્વ મુખ્યમંત્રીઓનો સમાવેશ કર્યો છે. આ યાદીમાં 28 મહિલાઓ, 50 વર્ષથી ઓછી વયના 47 નેતાઓ અને OBC સમુદાયના 57 સભ્યોના નામ સામેલ છે.
આ સાથે 27 SC અને 18 ST ઉમેદવારો પર વિશ્વાસ વ્યક્ત કરવામાં આવ્યો છે. એક મુસ્લિમ ઉમેદવાર અને 90 થી વધુ સામાન્ય કેટેગરીના ઉમેદવારો છે.
આ વખતે ચૂંટણીમાં ભાજપે ફરી એકવાર યુપીમાં પછાત કાર્ડ ખેલ્યુ છે. 51માંથી 21 બેઠકો પર પછાત વર્ગના ઉમેદવારો છે. લોધી, કુર્મી, જાટ અને ગુર્જર પર વિશ્વાસ વ્યક્ત કર્યો છે. આ સાથે 10 બ્રાહ્મણો, 7 ઠાકુર અને એક પારસીને ચૂંટણી જંગમાં ઉતારવામાં આવ્યા છે.
Click it and Unblock the Notifications
Sign in with Google
