બળાત્કારી પ્રજ્વલ રેવન્ના વિરૂદ્ધ લુકઆઉટ નોટીસ જારી, હવે બીજેપી ગઠબંધન તોડશે?
હજારો મહિલાઓ સાથે બળાત્કાર ગુજારનારા અને નરેન્દ્ર મોદીના સહયોગી જેડીએસના ઉમેદવાર પ્રજ્વલ રેવન્ના સામે રેડ કોર્નર નોટીસ જારી કરાઈ છે.
કર્ણાટકની હાસન લોકસભા સીટ પર જેડીએસના ઉમેદવાર અને પૂર્વ પીએમ એચડી દેવગૌડાના પૌત્ર પ્રજ્વલ રેવન્નાની અશ્લીલ વીડિયો કેસમાં મુશ્કેલી વધવા જઈ રહી છે.
કર્ણાટક સરકારે સેક્સ ટેપ કેસમાં પ્રજ્વલ રેવન્ના વિરુદ્ધ વૈશ્વિક લુકઆઉટ નોટિસ જાહેર કરી છે, જે બાદ રેવન્ના પર ધરપકડની તલવાર લટકી રહી છે.
કર્ણાટક એસઆઈટીએ જાતીય સતામણીનો આરોપી ફરાર સાંસદ પ્રજ્વલ રેવન્ના વિરુદ્ધ લુકઆઉટ સર્ક્યુલર જારી કર્યો છે. મીડિયા રિપોર્ટ્સ અનુસાર અશ્લીલ વીડિયો વાયરલ થયા બાદ પ્રજ્વલ ભારત છોડીને જર્મની ભાગી ગયો છે.
પૂર્વ વડાપ્રધાન એચડી દેવગૌડાના પૌત્ર રેવન્ના જર્મનીમાં હોવાનું માનવામાં આવે છે અને એરપોર્ટ, બંદર અથવા બોર્ડર ચેકપોસ્ટ્સ સહિત ભારતના કોઈપણ ઇમિગ્રેશન પોઇન્ટ પર આગમન પર અટકાયતનો સામનો કરવો પડી શકે છે.
ભારતભરના તમામ ઈમિગ્રેશન પોઈન્ટ પર જારી કરાયેલ લુકઆઉટ પરિપત્ર સુનિશ્ચિત કરે છે કે પ્રજ્વલ રેવન્ના કોઈપણ એરપોર્ટ, બંદર અથવા બોર્ડર ચેકપોસ્ટ પર ચેક ઈન કરશે તો તેની અટકાયત કરવામાં આવશે.
જણાવી દઈએ કે, કર્ણાટક સરકારે પ્રજ્વલ રેવન્ના સામેના આરોપોની તપાસ માટે 28 એપ્રિલે ક્રિમિનલ ઇન્વેસ્ટિગેશન ડિપાર્ટમેન્ટ (CID) હેઠળ એક SITની રચના કરી હતી. ઘણી મહિલાઓની ફરિયાદો બાદ તે જ દિવસે તેમની સામે એફઆઈઆર નોંધવામાં આવી હતી.
અહેવાલો અનુસાર, લોકસભા એનડીએના ઉમેદવાર રેવન્ના ધરપકડની સંભાવના જોતા જ 27 એપ્રિલે દેશ છોડીને ભાઈ ગયો. તે પોતાના રાજદ્વારી પાસપોર્ટ પર વિદેશ પ્રવાસ કરી રહ્યો હોવાનું કહેવાય છે.
રેવન્ના પર IPCની કલમ 354A, 354D, 506 અને 509 હેઠળ જાતીય સતામણી, ડરાવવા અને મહિલાની ગરિમાને ઠેસ પહોંચાડવાનો આરોપ છે. આરોપોમાં રેવન્ના અને તેના પિતા એચડી રેવન્ના દ્વારા જાતીય સતામણીનો સમાવેશ થાય છે.
અગાઉ મંગળવારે, કર્ણાટકમાં ભાજપના સહયોગી જેડીએસે હાસન સાંસદના વિડિયોના પરિભ્રમણને કારણે પાર્ટીની પ્રતિષ્ઠાને ભારે નુકસાનનો હવાલો આપીને પ્રજ્વલ રેવન્નાને સસ્પેન્ડ કરી દીધા છે.
Click it and Unblock the Notifications
Sign in with Google
