Madhya Pradesh Result : કોણ છે દેવુ કરીને ચૂંટણી લડનારા કમલેશ્વર, જેને બીજેપી-કોંગ્રેસને હરાવી
મધ્ય પ્રદેશમાં બીજેપીએ મોટા અંતરથી જીત મેળવીને સત્તા બચાવી રાખી છે. જો કે, આમ છત્તા ઘણા એવા ઉમેદવાર છે જે સીટ બચાવવામાં નિષ્ફળ ગયા છે.
શિવરાજ સિંહ સરકારે વાપસી કરી પરંતુ ઘણા મોટા ચહેરાઓને હારનો સામનો કરવો પડ્યો છે. આ બધાની વચ્ચે એમપીની સૈલાના વિધાનસભા બેઠકના ચૂંટણી પરિણામોએ તમામને ચૌકાવ્યા છે.
સૈલાના વિધાનસભા બેઠક પર ભારત આદિવાસી પાર્ટીના ઉમેદવાર કમલેશ્વરે શાનદાર જીત નોંધાવતા કોંગ્રેસના હર્ષ વિજય ગેહલોતને 4000 હજારથી વધુ મતોના અંતરથી હરાવ્યા છે. આ બેઠક પર બીજેપીની ત્રીજા સ્થાને રહી છે.
ભારતીય આદિવાસી પાર્ટીના ઉમેદવાર કમલેશ્વર ડોડિયારની કહાની રસપ્રદ છે. કમલેશ્વરે લોન લઈને ચૂંટણી લડી અને મોટા નામોને હરાવીને ધારાસભ્યની સીટ મેળવી છે.
કમલેશ્વર ડોડિયારને 71219 મત મળ્યા, જ્યારે તેમના સામેના ઉમેદવાર હર્ષ વિજય ગેહલોતને માત્ર 66601 વોટ મળ્યા હતા. ભારતીય જનતા પાર્ટીના સંગીતા ચારેલને 41,584 મત મળ્યા.
કમલેશ્વર ડોડિયારે લોન લઈને વિધાનસભાની ચૂંટણી લડી અને બીજેપી અને કોંગ્રેસના ધનિક ઉમેદવારોને પડકાર ફેંક્યો હતો. હવે આ ઉછીના લીધેલા પૈસા ચુકવવા માટે તેમણે સમાજને મદદ માટે અપીલ કરી છે અને આ માટે નોતરાનું આયોજન કર્યું છે.
કમલેશ્વરે દાવો કર્યો છે કે, તેમણે ચૂંટણીમાં 12 લાખ રૂપિયાનો ખર્ચ કર્યો છે. ચૂંટણીમાં ખર્ચવામાં આવેલ તમામ નાણાં લોનના છે. હવે કમલેશ્વર ચૂંટણી જીતી ગયા છે. ચૂંટણીમાં તેમની જીતની દરેક જગ્યાએ ચર્ચા છે.
Click it and Unblock the Notifications
Sign in with Google
