નાગરિકતા સંશોધન બિલ પર માલદીવે આપ્યું નિવેદન, કહ્યું આ ભારતનો આંતરીક મામલો

નાગરિકતા સુધારણા બિલ 2019 પસાર થયા પછીના વિવાદ વચ્ચે પડોશી દેશ માલદીવનું નિવેદન પણ આવ્યું છે. આ અંગે માલદીવે કહ્યું છે કે આ ભારતનો આંતરિક મામલો છે. માલદીવ સંસદના અધ્યક્ષ, મોહમ્મદ નશીદે આ અંગે કહ્યું, 'આ ભારતની આંતરિક બાબત છે, અમને તેમની લોકશાહીમાં પૂરો વિશ્વાસ છે. આ સમગ્ર પ્રક્રિયાને સંસદના બંને ગૃહોની મંજૂરી મળી છે.

ઝાકીર નાયકનો કર્યો ઉલ્લેખ

દરમિયાન, નશીદે વિવાદિત ઇસ્લામી ઉપદેશક ઝાકિર નાઈકના મુદ્દે પણ વાત કરી હતી. તેમણે કહ્યું કે તેમણે નાયકને અલબત્ત આવવાની મંજૂરી આપી દીધી હતી કારણ કે તેઓ તેમને સંબંધિત વિવાદિત કેસોની જાણ નહોતી. પરંતુ હવે તાજેતરમાં માલદીવની સરકારે તેમને પ્રવેશ આપવાનો સ્પષ્ટ ઇનકાર કરી દીધો છે. તેમણે કહ્યું કે તેમને સારા ઇસ્લામનો ઉપદેશ આપનારાઓ સાથે કોઈ વાંધો નથી, પરંતુ જે લોકો નફરતનો ઉપદેશ કરે છે તે સ્વીકારવામાં આવશે નહીં.

ઉત્તર-પૂર્વના રાજ્યોમાં વિરોધ

નાગરિકતા સુધારણા બિલ પસાર થયા પછી ઉત્તર પૂર્વના ઘણા રાજ્યોમાં ભારે વિરોધ પ્રદર્શન થઈ રહ્યા છે. ઘણા વિરોધી પક્ષો પણ બિલનો વિરોધ કરી રહ્યા છે. તેમ છતાં લોકસભા અને રાજ્યસભા બંને ગૃહો દ્વારા બિલ પસાર કરવામાં આવ્યું છે. આ બિલ પર રાષ્ટ્રપતિની સહી પછી બિલ પણ કાયદો બની ગયો છે. જોકે, આ વિરોધને કારણે ભારત-જાપાન સમિટ મુલતવી રાખવામાં આવી છે.

ભારત-જાપાન સમિટ

થોડા સમયમાં ભારત-જાપાન સમિટ યોજાવાની હતી. ગુવાહાટીમાં આ બેઠક યોજાવાની હતી, જેમાં જાપાનના વડા પ્રધાન શિંઝો આબે હાજર રહેશે. આ બિલ હેઠળ, ત્રણ પાડોશી દેશો (પાકિસ્તાન, અફઘાનિસ્તાન અને બાંગ્લાદેશ) માં વસતા બિન-મુસ્લિમ સમુદાયોના લોકો 6 વર્ષ ભારતમાં રહ્યા પછી નાગરિકત્વ મેળવી શકે છે. જો કે બિલમાં આ ત્રણેય દેશોમાંથી આવતા મુસ્લિમોને બાકાત રાખવામાં આવ્યા છે.

આ પણ વાંચો: સંસદનુ શિયાળુ સત્ર ખતમ, વિરોધ છતાં મોટા બિલ પાસ કરાવવામાં સફળ રહી સરકાર

English summary

Maldives statement on citizenship Amendment bill, saying this is an internal matter of India