Mamata Health: મમતાને હૉસ્પિટલમાંથી મળી રજા, માથા પર 3 અને નાક પર 1 ટાંકો, ડૉક્ટરોની દેખરેખમાં
Mamata Health Update: પશ્ચિમ બંગાળના મુખ્યમંત્રી મમતા બેનર્જીના સ્વાસ્થ્યને લઈને એક મોટું અપડેટ સામે આવ્યું છે. ઘાયલ મમતા બેનર્જીની હાલત પહેલાથી જ સ્થિર છે અને તેમને હૉસ્પિટલમાંથી રજા આપવામાં આવી છે. આ માહિતી રાજ્ય સંચાલિત SSKM હૉસ્પિટલના ડાયરેક્ટર મણિમૉય બંદ્યોપાધ્યાયે આપી છે.
મમતા બેનર્જી ડૉક્ટરોની દેખરેખ હેઠળ છે. પડી ગયા બાદ તેમના કપાળ પર ઉંડી ઈજા થઈ હતી. તેમને કોલકતાના કાલીઘાટ સ્થિત તેમના નિવાસ સ્થાને ખસેડવામાં આવ્યા છે. એસએસકેએમના ડિરેક્ટરે જણાવ્યું હતું કે મમતાને ઈજાની સારવાર બાદ રજા આપવામાં આવી હતી.
મુખ્યમંત્રીને હૉસ્પિટલમાં જ રહેવાની સલાહ આપવામાં આવી હતી, પરંતુ તેમણે 'ઘરે જવાનું પસંદ કર્યું'. એસએસકેએમના ડાયરેક્ટરે જણાવ્યું હતું કે ઘરની અંદર જ પાછળથી કોઈ ધક્કો લાગવાને કારણે પડી જવાથી મુખ્યમંત્રી ઘાયલ થયા હતા. જે બાદ તેમને હૉસ્પિટલમાં દાખલ કરવામાં આવ્યા હતા. હૉસ્પિટલના ડાયરેક્ટરે વધુમાં જણાવ્યું કે ડૉક્ટરોએ તેમના કપાળ પર ત્રણ ટાંકા અને નાક પર એક ટાંકો લગાવ્યો હતો.
બંગાળના મુખ્યમંત્રી લગભગ 7.30 વાગે અમારી હૉસ્પિટલને જાણ કરી કે તેમના ઘરની નજીકમાં પાછળથી કોઈ ધક્કો લાગવાને કારણે તે પડી ગયા હતા. તેમને માથામાં ઈજા થઈ હતી અને તેમના કપાળ અને નાકમાં ગંભીર ઈજાઓ થઈ હતી.
એસએસકેએમના નિયામકએ જણાવ્યું હતું કે અમારી સંસ્થાના એચઓડી ન્યૂરો સર્જરી, એચઓડી મેડિસિન અને કાર્ડિયોલોજિસ્ટ દ્વારા તેમની તપાસ કરવામાં આવી હતી. કપાળ પર ત્રણ ટાંકા અને નાક પર એક ટાંકો અને જરૂરી ડ્રેસિંગ કરવામાં આવ્યું હતું. આ સાથે અન્ય તપાસ પણ કરવામાં આવી હતી. જેમ કે ECG, CT સ્કેન વગેરે.
Click it and Unblock the Notifications
Sign in with Google
