મળો અતીક અહેમદના પુત્રનું એન્કાઉન્ટર કરનાર DySP નવેંદુ સિંહને, રાષ્ટ્રપતિ પુરસ્કારથી સન્માનિત થઈ ચુક્યા છે
યુપી પોલીસે ગેંગસ્ટર અતીક અહેમદના પુત્ર અસદને એન્કાઉન્ટરમાં ઠાર કર્યો છે. અસદ ઉત્તર પ્રદેશ સ્પેશિયલ ટાસ્ક ફોર્સના એન્કાઉન્ટરમાં માર્યો ગયો છે. ઉમેશ પાલ હત્યા કેસમાં આરોપી અસદને યુપી પોલીસના બે બહાદુર પોલીસ ઓફિસર DSP નવેંદુ સિંહ અને વિમલે એન્કાઉન્ટરમાં ઠાર કર્યો છે. ઝાંસીના આ એન્કાઉન્ટર બાદ હવે લોકો નવેંદુ સિંહની ચર્ચા કરી રહ્યા છે.
એસટીએફના ડીએસપી નવેંદુ સિંહ અને ડીએસપી વિમલ આ ટીમનું નેતૃત્વ કરી રહ્યા હતા. તેમાંથી એક ડીસીપી નવેંદુ સિંહ છે. વેંદુ સિંહ એન્કાઉન્ટર સ્પેશિયાલિસ્ટ તરીકે જાણીતા છે અને તેમને 2018માં STFમાં સામેલ કરવામાં આવ્યા હતા. હાલમાં તે STFમાં DCP તરીકે તૈનાત છે. તેમણે એન્કાઉન્ટરમાં ઘણા ખતરનાક બદમાશોને માર્યા છે.
ગયા વર્ષે તેમણે બે ઈનામી ગુનેગારોને ઠાર કર્યા હતા. તેમને ઘણા એવોર્ડથી પણ સન્માનિત કરાયા છે. નવેંદુ સિંહને 2008માં રાષ્ટ્રપતિ વીરતા ચંદ્રક મળ્યો હતો. આ સિવાય 2014 માં રાષ્ટ્રીય બહાદુરી મેડલ પણ તેમને એનાયત કરાયો છે. 2022 માં સ્વતંત્રતા દિવસ પર તેમની બહાદુરી માટે રાષ્ટ્રપતિ એવોર્ડ એનાયત કરવામાં આવ્યો હતો.
નવેંદુ સિંહની ગણતરી યુપી પોલીસના બાહોશ અધિકારીઓમાં થાય છે. એક વખત એન્કાઉન્ટર દરમિયાન તેમને ગોળી પણ વાગી હતી. એન્કાઉન્ટરમાં તેને હાથ અને ગરદનમાં ગોળી વાગી હતી. તેમના નામે ઘણા ખતરનાક બદમાશોના એન્કાઉન્ટર છે.
Click it and Unblock the Notifications
Sign in with Google
