Meghwal Vs Meghwal: ટિકિટ મેળવવા કૈલાશ મેઘવાલે અર્જુન મેઘવાલ પર કર્યા પ્રહાર!
રાજસ્થાન વિધાનસભા ચૂંટણીના ત્રણ મહિના પહેલા ભાજપના વરિષ્ઠ અને પૂર્વ સ્પીકર કૈલાશ મેઘવાલે કેન્દ્રીય કાયદા મંત્રી અર્જુન મેઘવાલને "એક નંબરના ભ્રષ્ટ" ગણાવી અને જ્યાં સુધી તેમના પરના ભ્રષ્ટાચારના કેસનો નિકાલ ના થાય ત્યાં સુધી પીએમ મોદીને પત્ર લખીને અર્જુન મેઘવાલને કેન્દ્રીય મંત્રાલયમાંથી હટાવવાની માંગ કરવાનું કહી રાજકારણ ગરમાવ્યું છે.
તાજેતરના વર્ષોમાં, 89 વર્ષીય કૈલાશ મેઘવાલે અધિકૃત પાર્ટી લાઇનથી વિચલિત થતાં અનેક પગલાં લીધાં છે. 2019 માં, તત્કાલીન સ્પીકર તરીકે, તેમણે 15મી રાજ્ય વિધાનસભાના ઉદ્ઘાટન સત્રને બોલાવતી વખતે નવી રચાયેલી અશોક ગેહલોતની આગેવાની હેઠળની કોંગ્રેસ સરકાર પર કથિતપણે નિયમોની અવગણના કરવાનો આરોપ મૂક્યો હતો અને કહ્યું હતું કે તેઓ આવા પગલાનો ભાગ બનશે નહીં. જો કે તેમનો વાંધો હોવા છતાં, રાજભવને સત્રનું સમયપત્રક જાહેર કર્યું.
જાન્યુઆરી 2020માં, ભાજપના ધારાસભ્યોએ વિધાનસભામાં રાજ્યપાલના અભિભાષણનો બહિષ્કાર કર્યો હતો, મેઘવાલ ગૃહમાં બેઠા રહ્યા હતા.બાદમાં, તેઓએ એમ કહીને તાત્કાલિન વિપક્ષ નેતા ગુલાબ ચંદ કટારીયા અને સ્ટેટ પાર્ટી પ્રેસિડેન્ટ સતીશ પુનિયા સાથે દલીલમાં ઉતરી ગયા હતા, કે જ્યારે તેમણે 2019 માં નિયમોને બાયપાસ કરીને વિધાનસભાના સમન્સ સામે વાંધો ઉઠાવ્યો ત્યારે કોઈએ તેમને ટેકો આપ્યો ન હતો.
2020 ના મધ્ય સુધીમાં, રાજસ્થાનમાં રાજકીય કટોકટી ઉભી થતાં, મેઘવાલ ભૂતપૂર્વ મુખ્ય પ્રધાન વસુંધરા રાજેની છાવણીમાંથી સૌથી મોટા અવાજ તરીકે ઉભરી આવ્યા. જ્યારે કોંગ્રેસના નેતા સચિન પાયલોટે સીએમ ગેહલોત પર રાજેને "બચાવવામાં વ્યસ્ત" હોવાનો આરોપ મૂક્યો અને ટાંક્યું કે કેવી રીતે તે તેની વિરુદ્ધ હાઈકોર્ટના આદેશ છતાં સરકારી બંગલામાં રહે છે, ત્યારે મેઘવાલ અને બીજેપીના અન્ય ધારાસભ્ય પ્રતાપ સિંહ સિંઘવીએ કહ્યું, "બંગલો તેમને ફાળવવામાં આવ્યો છે. તેઓ એક વરિષ્ઠ ધારાસભ્યની ક્ષમતામાં છે. આ શ્રેણીના બંગલા વિવિધ સરકારો દ્વારા વિવિધ વરિષ્ઠ ધારાસભ્યોને ફાળવવામાં આવે છે."
ત્યારબાદ અન્ય એક નિવેદનમાં, મેઘવાલે હોર્સ ટ્રેડિંગમાં સંડોવાયેલા ગેહલોત સરકારને તોડી પાડવાના તેમના પક્ષના કથિત પ્રયાસને "દુર્ભાગ્યપૂર્ણ" ગણાવ્યો, આરોપ લગાવ્યો કે શાસક પક્ષ અને વિપક્ષના એક વર્ગ દ્વારા સરકારને નીચે લાવવાનું કાવતરું રાજ્યમાં ક્યારેય જોવા મળ્યું નથી.
થોડા મહિનાઓ પછી, ફેબ્રુઆરી 2021 માં, તેમણે બીજેપી વિધાનમંડળ પક્ષના નેતૃત્વ પર હુમલો કર્યો અને પક્ષના કેટલાક વરિષ્ઠ ધારાસભ્યોની અવગણના કરવામાં આવી હોવાનો આરોપ લગાવીને, પુનિયાને લેખિતમાં પત્ર મોકલ્યો હતો અને તેમની સાથે પાર્ટીના વરિષ્ઠ 20 ધારાસભ્યો પણ જોડાયા હતા. એક મહિના પછી, ભાજપે જોગેશ્વર ગર્ગને વિધાનસભામાં વ્હીપ તરીકે નિયુક્ત કર્યા.
છ દાયકાની રાજકીય કારકિર્દીમાં, મેઘવાલ, એક દલિત નેતા, કેન્દ્રીય રાજ્ય મંત્રી, ભાજપના રાષ્ટ્રીય ઉપાધ્યક્ષ, ત્રણ વખત લોકસભાના સાંસદ અને છ વખત ધારાસભ્ય રહી ચૂક્યા છે.
દાયકાના અંત સુધીમાં ભારતીય જનસંઘ અને પછી જનતા પાર્ટીમાં જોડાતા પહેલા તેઓ શરૂઆતમાં 1960ના દાયકાની શરૂઆતમાં પ્રજા સમાજવાદી પાર્ટી સાથે સંકળાયેલા હતા.
મેઘવાલ ઇમરજન્સી દરમિયાન મેઇન્ટેનન્સ ઓફ ઇન્ટરનલ સિક્યુરિટી એક્ટ (MISA) હેઠળ 1975 અને 1977 વચ્ચે લગભગ 19 મહિના જેલમાં પણ રહ્યા હતા.
તેઓ પહેલીવાર 1977માં જનતા પાર્ટીની ટિકિટ પર રાજસમંદથી ધારાસભ્ય બન્યા હતા. 1977-78 દરમિયાન ચાર વિભાગોના પ્રભારી તરીકે કેબિનેટ મંત્રી તરીકે ઉન્નત થયા પહેલા તેમણે લગભગ આઠ મહિના માટે દસ વિભાગોના રાજ્ય મંત્રીનો પોર્ટફોલિયો સંભાળ્યો હતો.
1980માં જ્યારે જનતા પાર્ટીનું વિભાજન થયું ત્યારે ભાજપની રચનાનો માર્ગ મોકળો થયો, ત્યારે તેઓ 1980માં અજમેર પૂર્વ વિધાનસભા બેઠક પરથી ભાજપના ઉમેદવાર તરીકે ચૂંટણી લડ્યા અને જીત્યા. 1989માં, તેઓ જાલોરથી સાંસદ બન્યા પરંતુ નવેમ્બર 1991માં ટોંકમાં નિવાઈ બેઠકની પેટાચૂંટણી જીતીને વિધાનસભામાં પાછા ફર્યા. 1993માં તેઓ શાહપુરા વિધાનસભા બેઠક પરથી જીત્યા હતા, જે તેઓ 1998માં કોંગ્રેસના દેવીલાલ બૈરવા સામે હારી ગયા હતા.
2001માં, મેઘવાલ રાજસ્થાનના મંત્રી બનવારીલાલ બૈરવાને લોકસભાની પેટાચૂંટણીમાં હરાવીને ફરી કેન્દ્રમાં ગયા. 2003-2004 દરમિયાન, તેઓ અટલ બિહારી વાજપેયી મંત્રાલયમાં સામાજિક ન્યાય અને સશક્તિકરણ માટે કેન્દ્રીય રાજ્યમંત્રી હતા. 2004 માં, તેઓ ટોંકથી ફરીથી લોકસભામાં ચૂંટાયા.
2013 માં, તેઓ શાહપુરાથી ધારાસભ્ય તરીકે રાજસ્થાન વિધાનસભામાં પાછા ફર્યા. જાન્યુઆરી 2014માં વિધાનસભા અધ્યક્ષ તરીકે ચૂંટાયા તે પહેલા તેમને શરૂઆતમાં લગભગ એક મહિના માટે રાજે કેબિનેટમાં મંત્રી તરીકે નિયુક્ત કરવામાં આવ્યા હતા. તેમણે 2018ની વિધાનસભા ચૂંટણીમાં આ બેઠક જાળવી રાખી હતી.
ભાજપના કેટલાક નેતાઓનું કહેવું છે કે અર્જુન મેઘવાલ કે જેમને તાજેતરમાં ભાજપના મેનિફેસ્ટ કમિટીના વડા તરીકે નિમવામાં આવ્યા છે તેમના પરના મેઘવાલે હુમલા પોતાની ઉમેદવારીની શંકાને લઈને કર્યા હોય શકે છે. તેમણે અર્જુન મેઘવાલ પર "અહીંના રાજકારણમાં દખલ" કરવાનો આરોપ લગાવ્યો છે.
સોમવારે શાહપુરમાં એક જનસભામાં તેમણે કહ્યું હતું, "હું ભાજપને કહીશ કે ટિકિટ મોકલો. હું દિલ્હી કે જયપુરમાં તમારી પાસે નહીં આવું. હું અહીં મારા મતવિસ્તારમાં બેઠો છું," તેમણે એમ પણ કહ્યું હતું કે "જો પક્ષ તેમને ટિકિટ આપશે તો તેઓ ચૂંટણી લડશે, નહીં તો તેઓ "લોકો જે ઇચ્છે છે તે કરશે", જે સૂચવે છે કે તેઓ કોઈપણ સંજોગોમાં ચૂંટણી લડશે.
Click it and Unblock the Notifications
Sign in with Google
