પડોસી સહિત 12 લોકોએ કિશોરી પર ગુજાર્યો સામૂહિક બળાત્કાર

કરનાલ, 5 નવેમ્બર: એક પછી એક બળાત્કારની ધટનાઓ સામે આવી રહી છે. હરિયાણામાં ફરી એકવાર સામૂહિક બળાત્કારની ઘટના સામે આવી છે. આ વખતે 12 લોકોએ એક કિશોરીને પોતાનો શિકાર બનાવ્યો છે. મેડિકલ તપાસમાં સામૂહિક બળાત્કારની તપાસ પણ કરવામાં આવી છે જેને આ કેસમાં 7 લોકોની ધરપકડ કરવામાં આવી છે. અન્ય લોકોની ધરપકડ માટે શંકાસ્પદ સ્થાને તપાસ આદરવામાં આવી રહી છે. પોલિસનું કહેવું છે કે અન્ય બળાત્કારીઓને જલદી પકડવામાં આવશે. ગત મહિને હરિયાણામાં કેટલાક બળત્કાર કિસ્સા સામે આવ્યા હોવાથી સોનિયા ગાંધીએ હરિયાણાની મુલાકાત લીધી હતી.

મળતી માહિતી મુજ્બ હરિયાણાના કરનાલ વિસ્તારમાં રહેનારી એક કિશોરીએ પોલીસને જણાવ્યું હતું કે તેના પડોશમાં રહેનાર રવિ નામના યુવકે તેને લગ્નનો વાયદો કરી પોતાની સાથે લઇ ગયો હતો. રવિ તેને જ્યાં લઇ ગયો હતો ત્યાં પહેલાંથી જ 11 લોકો હાજર હતા અને વારાફરથી તેમને કિશોરી પર બળાત્કાર ગુજાર્યો હતો અને તેને બેહોશીની હાલતમાં મૂકીને ફરાર થઇ ગયા હતા. પોલીસે આ મુદ્દે કેસ દાખલ કરી કિશોરીને મેડિકલ તપાસ માટે મોકલી દિધી છે. મેડિકલ તપાસ બાદ પોલીસે રેડ પાડી 7 લોકોની ધરપકડ કરી લીધી છે.

ધરપકડ કરવામાં આવેલા લોકોમાં રવિનો પણ સમાવેશ થાય છે. પોલીસનું કહેવું છે કે તે જલદી જ બાકીના આરોપીની ધરપકડ કરી દેશે. અત્રે ઉલ્લેખનીય છે કે આ અગાઉ પણ હરિયાણામાં સામૂહિક બળાત્કારના કેસ સામે આવ્યાં છે. આંકડાઓ જોતાં હાલમાં સૌથી વધુ બળાત્કાર હરિયાણામાં થાય છે.

English summary

A teenaged girl from Karnal district in Haryana has alleged that she was raped by 12 men, police said on Sunday. An accused known to her was arrested.