ફેમિના મિસ ઈન્ડિયા વર્લ્ડ 2018 બની તમિલનાડુની અનુકૃતિ વાસ
ફેમિના મિસ ઈન્ડિયા વર્લ્ડ ઈન્ડિયા 2018 ની આતુરતાનો અંત આવી ગયો છે અને આ તાજ તમિલનાડુની અનુકૃતિ વાસના શિરે સજાવવામાં આવ્યો છે.
ફેમિના મિસ ઈન્ડિયા વર્લ્ડ ઈન્ડિયા 2018 ની આતુરતાનો અંત આવી ગયો છે અને આ તાજ તમિલનાડુની અનુકૃતિ વાસના શિરે સજાવવામાં આવ્યો છે. અનુકૃતિએ આ ખિતાબ 29 અન્ય પ્રતિયોગીઓને હરાવીને જીત્યો છે. મંગળવાર રાત સુધી ચાલેલી આ પ્રતિયોગિતામાં મિસ વર્લ્ડ માનુષી છિલ્લરે તેને તાજ પહેરાવ્યો. તમને જણાવી દઈએ કે પ્રતિયોગિતા એફબીબી કલર્સ ફેમિના મિસ ઈન્ડિયા 2018નું આયોજન મંગળવારની રાતે મુંબઈના એનએસઈઆઈ, ડોમ, વર્લીમાં સંપન્ન થયુ. વળી, આ પ્રતિયોગિતામાં હરિયાણાની મીનાક્ષી ચૌધરી પ્રથમ રનર અપ અને આંધ્રપ્રદેશની શ્રેયા રાવ બીજી રનર અપ બની હતી.
આ રંગારંગ સમારંભમાં અભિનેત્રી માધુરી દીક્ષિત, કરીના કપૂર ખાન અને જેકલીન ફર્નાન્ડિસે ધમાકેદાર ડાંસ પર્ફોર્મન્સ આપીને આ સાંજ વધુ રંગીન બનાવી દીધી હતી. વળી, કરણ જોહર અને આયુષમાન ખુરાનાના એંકરિંગે બધાને ખૂબ હસાવ્યા. કુલ મળીને આ સાંજે દરેકનું મન હરી લીધુ.
તમિલનાડુની રહેવાસી
તમને જણાવી દઈએ કે અનુકૃતિ વાસ તમિલનાડુની રહેવાસી છે. તે વ્યવસાયે ખેલાડી અને ડાન્સર છે. અનુકૃતિ ફ્રેન્ચ ભાષામાં બીએ કરી રહી છે. અનુકૃતિ વાસનું પાલનપોષણ તેની મા એ કર્યુ છે. તે ભવિષ્યમાં સુપર મોડલ બનવા માંગે છે.
ખૂબ જ સુંદર છે અનુકૃતિ વાસ
સામાન્ય રીતે સૌદર્ય પ્રતિયોગિતામાં ભાગ લેનાર પરીઓને શોખ હોય છે કે તે બોલિવુડમાં પોતાની જગ્યા બનાવે પરંતુ અનુકૃતિનો વિચાર થોડો અલગ છે. તે એક સુપર મોડલ બનવા માંગે છે અને પોતાની મા નું નામ રોશન કરવા માંગે છે.
અનુકૃતિ વાસ વ્યવસાયે ખેલાડી
પોતાની મા ને જ પોતાની દુનિયા કહેનારી અનુકૃતિ વાસ વ્યવસાયે ખેલાડી છે. તે પોતાની મા ના કહેવા પર જ ફ્રેન્ચ ભાષામાં બીએ કરી રહી છે અને ભવિષ્યમાં પોતાની મા માટે જ કંઈક કરવા ઈચ્છે છે.
મોડલિંગનો શોખ
અનુકૃતિ વાસે ઘણી ફેમસ પ્રોડક્ટ માટે મોડલિંગ કર્યુ છે અને તે આ જ ક્ષેત્રમાં આગળ વધવા માંગે છે. તેને ડાન્સ કરવાનો અને બાઈક ચલાવવાનો ખૂબ જ શોખ છે. તે આ પહેલા મિસ તમિલનાડુ રહી ચૂકી છે.
મિસ વર્લ્ડ 2017 માનુષી છિલ્લરે અનુકૃતિને તાજ પહેરાવ્યો
ઉલ્લેખનીય છે કે મુંબઈમાં થયેલ આ પ્રતિયોગિતાને કરણ જોહર અને આયુષમાન ખુરાનાએ હોસ્ટ કરી હતી. જજિસ પેનલમાં મલાઈકા અરોરા, બોબી દેઓલ, કુણાલ કપૂર, ક્રિકેટર ઈરફાન પઠાણ અને કે એલ રાહુલ હાજર રહ્યા હતા. આ ઉપરાંત મિસ વર્લ્ડ 2017 માનુષી છિલ્લર પણ ઈવેન્ટમાં શામેલ થઈ જેણે અનુકૃતિ વાસને મિસ ઈન્ડિયાનો તોજ પહેરાવ્યો.