Modi 3.0 Cabinet: કાલે મોદી સરકારનો સપથ ગ્રહણ સમારોહ, જાણો મંત્રીપરિષદ અને મત્રીમંડળ વચ્ચેનો તફાવત?

Modi 3.0 Cabinet: દેશને ફરી એકવાર નવી સરકાર મળવા જઈ રહી છે. નરેન્દ્ર મોદી 9 જૂનના રોજ ત્રીજી વખત ભારતના વડાપ્રધાન તરીકે શપથ લેશે. આ દરમિયાન તેમની સાથે તેમની મંત્રી પરિષદના સભ્યો પણ શપથ લેશે.

મંત્રી પરિષદની સાથે તમે ઘણા પ્રસંગોએ કેબિનેટ શબ્દનો ઉપયોગ જોયો અને સાંભળ્યો હશે, પરંતુ શું તમે જાણો છો કે, કેબિનેટ અને મંત્રી પરિષદમાં શું તફાવત છે?

ભારતીય બંધારણ મુજબ, રાષ્ટ્રપતિને તેમના કાર્યોમાં મદદ કરવા અને સલાહ આપવા માટે વડાપ્રધાનના નેતૃત્વ હેઠળ મંત્રી પરિષદની રચના કરવામાં આવે છે. વડાપ્રધાનની નિમણૂક રાષ્ટ્રપતિ દ્વારા કરવામાં આવે છે. આ પછી તે વડાપ્રધાનની સલાહ પર અન્ય મંત્રીઓની નિમણૂક કરે છે.

મંત્રી પરિષદ - મંત્રી પરિષદમાં, મંત્રીઓને વિવિધ શ્રેણીઓમાં વિભાજિત કરવામાં આવે છે, જેમાં મંત્રીમંડળના મંત્રીઓ (કેબિનેટ મંત્રીઓ), રાજ્ય મંત્રીઓ (સ્વતંત્ર હવાલો), રાજ્ય મંત્રીઓ અને નાયબ મંત્રીઓનો સમાવેશ થાય છે. આવી સ્થિતિમાં, કેબિનેટ અને મંત્રીમંડળ વચ્ચેનો સૌથી મૂળભૂત તફાવત એ છે કે, મંત્રીઓના સમગ્ર જૂથને મંત્રીમંડળ કહેવામાં આવે છે, જ્યારે કેબિનેટ અથવા કેબિનેટ મંત્રીઓ તેનો એક ભાગ છે.

કેબિનેટ મંત્રી - સરળ શબ્દોમાં કાઉન્સિલ ઓફ મિનિસ્ટર્સ એ બોડીનું નામ છે, જેમાં તમામ મંત્રીઓ હોય છે. આમાં, કેબિનેટ મંત્રી પરિષદનું ટોચનું જૂથ છે. સામાન્ય રીતે, શાસક પક્ષના વરિષ્ઠ નેતાઓને કેબિનેટ પ્રધાન બનાવવામાં આવે છે, અને તેમને નાણાં, સંરક્ષણ, ગૃહ, રેલવે જેવા મહત્વપૂર્ણ મંત્રાલયોનો હવાલો આપવામાં આવે છે.

બધા મંત્રીઓ માટે દરેક મુદ્દાઓ પર એકસાથે ચર્ચા કરવી વ્યવહારુ ન હોવાથી, તે કેબિનેટ મંત્રીઓ છે, જેઓ નિયમિતપણે મળે છે અને નીતિ વિષયક નિર્ણયો લે છે. કેબિનેટ દ્વારા લેવામાં આવેલા નિર્ણયો મંત્રી પરિષદના અન્ય જૂથો માટે પણ બંધનકર્તા છે.

English summary

Modi 3.0 Cabinet: Government swearing in ceremony tomorrow, Know the difference between Cabinet and Council of Ministers?