મોદીની સંસદીય બોર્ડની બેઠકથી લઇ રાષ્ટ્રપતિ સાથેની મુલાકાત તસવીરોમાં..

નવી દિલ્હી, 20 મે: ગુજરાતના મુખ્યમંત્રી નરેન્દ્ર મોદીની આજે દિલ્હી ખાતે સંસદના સેન્ટ્રલ હોલમાં ભાજપના તમામ સાંસદોની સર્વસમંતિથીથી ભાજપના સંસદીય દળના નેતા તરીકે ચૂંટવામાં આવ્યા, તેમજ વડાપ્રધાન પદ માટેની તેમની દાવેદારી પર અડવાણીની આગેવાનીમાં સર્વાનુમતિથી મહોર મારી દેવામાં આવી. આ પ્રસંગે અડવાણી અને નરેન્દ્ર મોદીની વચ્ચેના ગાઢ સંબંધો પણ સામે આવ્યા હતા. પહેલા ગુરુના આંખોમાં આંસુ આવી ગયા અને બાદમાં ચેલા એટલકે કે મોદીની આંખમાં આંસુ આવી ગયા.

નરેન્દ્ર મોદી જ્યારે સાંસદોને સંબોધી રહ્યા હતા ત્યારે તેમણે અડવાણીજીના શબ્દોને યાદ કરીને ભાવુક બની ગયા અને તેમની આંખોમાંથી પહેલીવાર આંસુ આવી ગયા. મોદીએ જણાવ્યું કે મુખ્યમંત્રી બન્યા બાદ મે મુખ્યમંત્રીની ચેમ્બર જોઇ હતી, વિધાનસભાને પણ પહેલીવાર જોઇ હતી. એવી જ રીતે આજે જ્યારે હું વડાપ્રધાન બનવા જઇ રહ્યો છું ત્યારે સંસદના આ સેન્ટ્રલ હોલમાં પહેલીવાર આવ્યો છું. મોદી જ્યારે સેન્ટ્રલ હોલમાં પ્રવેશી રહ્યા હતા. ત્યારે તેમણે સંસદને માથુ ટેકવીને પ્રણામ કરીને અંદર પ્રવેશ કર્યો હતો.

મોદી દિલ્હી ખાતે આવ્યા અને રાષ્ટ્રપતિને મળ્યા સુધીની તમામ ગતિવિધીઓ જુઓ તસવીરોમાં...