Monsoon Update: યુપીમાં ભારે વરસાદની આશંકા, ઉત્તરાખંડમાં રેડ એલર્ટ

ભારતીય હવામાન વિભાગે આજે ઓડિશા, યુપી, દિલ્હી અને ઉત્તરાખંડમાં ભારે વરસાદની આશંકા વ્યક્ત કરી છે. ભારતીય હવામાન વિભાગે કહ્યું છે કે ઓડિશામાં આવનારા બે દિવસ સુધી ભારે વરસાદ થઇ શકે છે. એટલા માટે પૂર જેવી પરિસ્થિતિમાં જિલ્લા કલેક્ટરને સતર્ક રહેવા માટે જણાવ્યું છે. જયારે ઉત્તરાખંડમાં પણ વરસાદનું રેડ એલર્ટ જાહેર કરવામાં આવ્યું છે. તેની સાથે સાથે આજે દિલ્હી, મેરઠ અને હાપુડ જેવા યુપીના વિસ્તારોમાં પણ ભારે વરસાદ વિશે એલર્ટ જાહેર કરવામાં આવ્યું છે.

આપણે જણાવી દઈએ કે ઉત્તરાખંડમાં આજે લગભગ બધા જ વિસ્તારોમાં ભારે વરસાદની આશંકા વ્યક્ત કરી છે. રવિવારે લગભગ આખા પ્રદેશમાં ભારે વરસાદ થઇ શકે છે. નવી દિલ્હી અને તેની આસપાસના વિસ્તારોમાં સતત વરસાદ ચાલુ રહેશે જયારે રાજસ્થાનમાં પણ ભારે વરસાદ થવાનું અનુમાન છે. હવામાન વિભાગ ઘ્વારા પહેલા જ રાજસ્થાનના પૂર્વ અને પશ્ચિમ વિસ્તારમાં ભારે વરસાદનું એલર્ટ જાહેર કરવામાં આવ્યું છે.

હવામાન વિભાગે જણાવ્યું છે કે રાજસ્થાનના 16 જિલ્લામાં આગામી 24 કલાકમાં ભારે વરસાદ થઈ શકે છે. જેમાં જયપુર, બરન, અજમેર, ભિલવારા, ભરતપુર, બુન્ડી, ચિત્તોડગઢ, દૌસા, ડુંગરપુર, ઝાલાવર, કરૌલી, કોટા, પ્રતાપગઢ, રાજસમંડ, ઉદયપુર, સવાઈ-માધપુર, ટોંક, પાળી, જોધપુર, નાગૌર અને જુલોરનો સમાવેશ થાય છે.

દિલ્હીમાં સામાન્યથી 19 ટકા વરસાદ ઓછો થયો

જયારે હવામાન વિભાગ ઘ્વારા જણાવવામાં આવ્યું કે દિલ્હીમાં સામાન્ય થી 19 ટકા વરસાદ ઓછો થયો. આ સમયે ચોમાસુ દિલ્હી સાઉથ થી નોર્થ વેસ્ટ તરફ આગળ વધી રહ્યું છે. હવે આ વરસાદ બંધ નહીં થાય.

તમે સેટેલાઇટ તસવીરો ઘ્વારા વાદળોની સ્થિતિ વિશે અનુમાન લગાવી શકો છો. આ ફોટો ભારતીય હવામાન વિભાગ ઘ્વારા જાહેર કરવામાં આવ્યો છે.

English summary

Extremely heavy rains at isolated places very likely over Odisha, Uttar Pradesh, Delhi and Uttarakhand