મેરઠ, 25 માર્ચ: બોલીવુડ અભિનેત્રી નગમા ફિલ્મોમાં કામ કરતી વખતે ભલે ચર્ચા કે વિવાદમાં ના આવી હોય પરંતુ રાજનીતિમાં ઉતરતા જ તે ચર્ચામાં આવી ગઇ છે. મેરઠ-હાપુડ રોડશો દરમિયાન નગમા સાથે કોંગ્રેસ એમએલએ ગજરાજની છેડતીનો વીડિયો સામે આવ્યો છે જેણે સનસની ફેલાવી દીધી છે. જોકે નગમા એ વાતનો ઇનકાર કરી રહી છે કે મેરઠમાં પ્રચાર દરમિયાન તેમની સાથે કોઇપણ છેડતી થઇ હોય. જ્યારે ગજરાજે જણાવ્યું કે નગમા તેમની દિકરી જેવી છે તો છેડતીનો કોઇ સવાલ જ નથી ઊઠતો. પરંતુ આ ઘટનાનો વીડિયો ઇંટરનેટ પર વાયરલ થઇ ચૂક્યો છે.
જોકે નગમાની પ્રતિક્રિયાથી એવું સ્પષ્ટ થાય છે કે ધારાસભ્ય જે રીતે નગમા પાસે પહોંચ્યા અને પોતાનો હાથ નગમાના ગાલ પર રાખ્યો તે નગમાને ગમ્યુ નહી, અને તેમણે તુરંત તેમનો હાથ હટાવી દીધો. જોકે નગમાએ ગજરાજ સિંહને ક્લીન ચિટ આપી દીધી છે. અને જણાવ્યું છે કે ત્યા ખૂબ જ અવાજ હતો એટલે તેઓ મારા કાનમાં કંઇક કહી રહ્યા હતા.
જોકે ગજરાજ સિંહ અને નગમાના ચુંબન વિવાદની શું છે હકિકત આપ જાતે જ નક્કી કરો...
<center><iframe width="100%" height="338" src="//www.youtube.com/embed/2i8Tmz1HOU0" frameborder="0" allowfullscreen></iframe></center>