આ અઠવાડીએ શાહ બની જશે ભાજપા અધ્યક્ષ
નવી દિલ્હી, 8 જુલાઇ: ભાજપ આ અઠવાડીએ નવા અધ્યક્ષની જાહેરાત કરી શકે છે, સૂત્રો અનુસાર 9 અથવા 11 તારીખે અમિત શાહના નામ પર મહોર લગાવી શકે છે સંસદીય બોર્ડ. ભાજપના હાલના અધ્યક્ષ રાજનાથ સિંહ ગૃહમંત્રી બની ચૂક્યા છે. એવામાં અધ્યક્ષ પદની જવાબદારી કોઇ અન્ય નેતાઓને સોંપાવાની હતી. આ પદ માટે અમિત શાહના નામની પણ ચર્ચા હતી.
અત્રે નોંધનીય છે કે અમિત શાહ મોદીના ખૂબ જ ખાસ માનવામાં આવે છે, અને લોકસભા ચૂંટણીમાં ઉત્તર પ્રદેશમાં પાર્ટીને ભારે સફળતા અપાવવામાં શાહની ભૂમિકા મહત્વની માનવામાં આવે છે. એવામાં પાર્ટીમાં તેમને મોટી જવાબદારી સોંપાઇ શકે છે.
અમિત શાહ ઉપરાંત જેપી નડ્ડા અને ઓપી માથુર પણ ભાજપ અધ્યક્ષ પદની દૌડમાં સામેલ હતા. પરંતુ બાજી અમિત શાહના હાથમાં જ રહી. કહેવામાં આવી રહ્યું છે કે નડ્ડાએ ખુદ મહાસચિવ પદ પર બની રહેવાની ઇચ્છા વ્યક્ત કરી હતી.
અન્ય સમાચારોમાં આજે મોદી સરકાર પોતાનું પહેલું રેલવે બજેટ રજૂ કરવા જઇ રહ્યું છે. જેમાં રેલમંત્રી સદાનંદ ગૌડા રેલવેના સુધારા માટે ઘણી મહત્વની જાહેરાતો કરી શકે છે, તેમજ નવી ટ્રેન અંગેની પણ જાહેરાત કરી શકે છે. જોકે પ્રજાને આ રેલ બજેટ થકી મોદી સરકાર ખુશ કરી શકશે કે નહીં એતો દિવસ ઢળતા જ માલૂમ પડી જશે.
આજના દિવસના અન્ય સમાચારો પર નજર રાખવા આ પેજને રિફ્રેસ કરતા રહો....
Click it and Unblock the Notifications
Sign in with Google
