નિર્ભયા કેસઃ બે દોષી મુકેશ-વિનયની ક્યુરેટિવ પિટીશન SCએ ફગાવી

નિર્ભયા ગેંગરેપ કેસમાં ચારમાંથી બે દોષિતો વિનય કુમાર શર્મા અને મુકેશે સુપ્રીમ કોર્ટમાં ક્યુરેટિવ પિટીશન દાખલ કરી હતી જેને આજે સુપ્રીમ કોર્ટે ફગાવી દીધી છે. સુપ્રીમ કોર્ટના પાંચ જજો જસ્ટીસ એન વી રમન્ના, અરુણ મિશ્રા, આરએફ નરીમન, આર બનુમથી અને અશોક ભૂષણની બેન્ચે 2 દોષિતો વિનય શર્મા અને મુકેશ દ્વારા દાખલ અરજીઓને ફગાવી દેવાનો ચુકાદો સંભળાવ્યો. ચારે દોષિતોનુ ડેથ વોરન્ટ જારી થઈ ચૂક્યુ છે.

પહેલા વિનયે ફાંસીથી બચવા છેલ્લા પ્રયાસમાં ક્યુરેટિવ પિટીશન દાખલ કરી હતી ત્યારબાદ મુકેશે પણ સુપ્રીમ કોર્ટમાં ક્યુરેટિવ પિટીશન દાખલ કરી હતી. વિનય કુમાર શર્માના વકીલ એપી સિંહે સુપ્રીમ કોર્ટમાં ક્યુરેટિવ પિટીશન દાખલ કરીને ફાંસીની સજા પર રોક લગાવવાની માંગ કરી હતી. આ અરજીમાં વિનય તરફથી કહેવામાં આવ્યુ હતુ. આ અરજીમાં વિનય તરફથી કહેવામાં આવ્યુ છે કે SCનો વિચાર કરવો જોઈએ કે ઘટના સમયે વિનય માત્ર 19 વર્ષનો હતો. યુવાવસ્થા અને સામાજિક-આર્થિક પૃષ્ઠભૂમિને જોતા કેસની ગંભીરતા ઘટાડવાના ફેક્ટર તરીકે આને લેવુ જોઈએ.

તમને જણાવી દઈએ કે દિલ્લીની પટિયાલા હાઉસ કોર્ટે બધા ચારે દોષિતોને 22 જાન્યુઆરીના રોજ સવારે 7 વાગે ફાંસી આપવાનો આદેશ આપ્યો છે. ચારે દોષિતોને જેલ નંબર 3માં ફાંસી અપાવાની છે. નિર્ભયા ગેંગરેપ-મર્ડર કેસમાં ચારે દોષિતોના મોતની સજા સંભળાવવામાં આવી હતી. કોર્ટ દ્વારા ડેથ વોરન્ટ જારી કરાયા બાદ તિહાર જેલમાં ફાંસી આપવાની પ્રક્રિયા ઝડપી બની ગઈ છે. રવિવારે તિહાર જેલમાં ફાંસીની ડમી ટ્રાયલ પણ કરવામાં આવી.

તમને જણાવી કે 16 ડિસેમ્બર, 2012ના રોજ દિલ્લીમાં ચાલતી બસમાં 6 નરાધમોએ નિર્ભયા સાથે હેવનિયત કરવામાં આવી હતી અને ત્યારબાદ તેને બસમાંથી નીચે ફેંકી દેવામાં આવી હતી. આરોપીઓમાં એક સગીર પણ હતો જેને જુવેનાઈલ કોર્ટમાંહાજર કરવામાં આવ્યો હતો જ્યારે એકે તિહાર જેલમાં આત્મહત્યા કરી લીધી હતી.

English summary

nirbhaya case: supreme court dismisses Mukesh Vinay's curative petition