સરકારી પૈસાથી નથી થઇ સોનિયા ગાંધીની સારવારઃ સીઆઇસી

નવીદિલ્હી, 03 ઑક્ટોબરઃ કોંગ્રેસ અધ્યક્ષા સોનિયા ગાંધી દ્વારા સરકારના ખર્ચે સારવાર નહીં કરાવવામાં આવી હોવા અંગે સેન્ટ્રલ ઇન્ફોરમેશન કમિશન દ્વારા જણાવવામાં આવ્યું છે. નવીન કુમાર નામના વ્યક્તિ દ્વારા કરવામાં આવેલી આરટીઆઇની સંદર્ભે ખુલાસો કરવામાં આવ્યો છે. મોરાદાબાદના નવીન કુમારે આરટીઆઇમાં એવું જણાવ્યું હતું કે, ગાંધીની સારવાર પછળ કરાયેલા ખર્ચ અંગેની માહિતી પ્રધાનમંત્રી ઓફિસ, રાષ્ટ્રિય સલાહકાર સંસ્થા, લોકસભાના સેક્રેટરી, વિદેશકક્ષાના મંત્રાલય દ્વારા આપવામાં આવે.

ચીફ ઇન્ફોરમેશન કમિશનર સત્યાનંદા મિશ્રા સાથેની આ સુનાવણી દરમિયાન મંત્રાલયે કહ્યું કે કોઇપણ પ્રકારના મેડિકલ બીલ ગાંધી દ્વારા રજૂ કરવામાં આવ્યાં નથી. મિશ્રાએ કહ્યું કે, અપીલના સંદર્ભમાં જે જણાવવામાં આવ્યું છે તે મજૂબ એ વાત સ્પષ્ટ થઇ છે કે કોઇપણ પ્રકારના સારવાર અર્થેના બીલ રજૂ કરવામાં આવ્યાં નથી કે સરકારી તિજોરીમાંથી કોઇ બીલની ચુકવણી કરવામાં આવી નથી.

તેમણે વધુમાં કહ્યું કે, ભારત કે વિદેશમાં તેમની સારવાર માટે જે ખર્ચ થયો છે તેમનો વ્યક્તિગત છે અને તે અંગેની વ્યક્તિગત માહિતી આરટીઆઇ અરજીમાં મળી શકે નહીં. નોંધનીય છે કે ગાંધીની સારવાર માટે કોંગ્રેસે જનતાના પૈસાનો ઉપયોગ કર્યો હોવાના મોદીના નિવેદન પછી આ પ્રકારનો મુદ્દો ચગ્યો છે.

English summary

Congress President Sonia Gandhi has not sought any reimbursement for medical bills from the Government, the Central Information Commission has said.