હવે પંજાબ સરકાર પોલીસની ફિટનેસ સુધારશે, સાયકલ લઈને ઓફિસ આવશે પોલીસ જવાનો
શિક્ષણ અને આરોગ્ય જેવા મોટા મુદ્દાઓ પર અસરકારક પરિણામ આપનારી પંજાબની આમ આદમી પાર્ટીની સરકાર હવે પોલીસની ફિટનેસ સુધારવા પર ભાર મુકી રહી છે. આના માટે સરકારે કાર્યવાહી શરૂ કરી છે.
એક પછી એક મોટા નિર્ણયો લઈ રહેલી પંજાબની ભગવંત માન સરકારે હવે પોલીસને ફિટનેસને લઈને મોટો આદેશ આપવાની તૈયારી કરી રહી છે. અહેવાલો અનુસાર, પંજાબ પોલીસની ફિટનેસને ઠીક કરવા માટે હવે પોલીસકર્ણીઓને સાયકલથી ઓફિસ આવવા જવા માટે કહેવામાં આવી શકે છે.
પંજાબ સરકારે આના માટે તૈયારી શરૂ કરી છે અને આના માટે સરકાર પોલીસ જવાનોને સાયકલ આપવા જઈ રહી છે. આમ કરવાથી પર્યાવરણ સાથે સાથે પોલીસની તબિયત પણ ઠીક રહેશે.
આનાથી શહેરી વિસ્તારોમાં ટ્રાફિકના નિરાકણ સાથે સાથે ફૂટ પેટ્રોલિંગ અને બીટ સિસ્ટમમાં તૈનાત કર્મચારીઓને ભીડભાડવાળા વિસ્તારોમાં તોફાની લોકોને કાબૂમાં લેવામાં પણ મદદ મળશે.
જણાવી દઈએ કે, સરકારે થોડા દિવસો પહેલા સરકારી કચેરીઓમાં તમામ કર્મચારીઓ અને અધિકારીઓને તેમની કાર, સ્કૂટર અને બાઈક છોડીને સાયકલ, ઇ-રિક્ષા અથવા પગપાળા ઓફિસ આવવાનો આદેશ કર્યો હતો. હવે પોલીસને પણ આવરી લેવાશે.
CM ભગવંત સિંહ માનએ પંજાબ પોલીસના એક કાર્યક્રમ દરમિયાન જાહેરાત કરી કે, લોકોની સમસ્યાઓના ઉકેલ અને બદમાશોને પકડવા પંજાબ પોલીસને ગૂગલ મેપની મદદથી ટૂંક સમયમાં જોડવામાં આવશે. અહેવાલો અનુસાર, પોલીસના વાહનોમાં ટૂંક સમયમાં ગૂગલ મેપ લગાવવામાં આવશે. આનાથી પોલીસ કર્મચારીઓને કોઈપણ કોલનું ચોક્કસ લોકેશન જણાવીને સમસ્યાને ઝડપથી ઉકેલવામાં યોગ્ય સાબિત થશે.
જણાવી દઈએ કે, વિદેશમાં પણ પોલીસ આ રીતે જ કામ કરે છે. જ્યારે કોઈ વ્યક્તિ પોલીસને ફોન કરે છે ત્યારે જ નજીકની પોલીસ વાનમાં મેસેજ આવે છે અને પોલીસ ઝડપથી સ્થળ પર પહોંચી જાય છે. હવે પંજાબ પોલીસ પણ આ ટેકનિક અપનાવવા જઈ રહી છે.
Click it and Unblock the Notifications
Sign in with Google
