પાકથી આવેલી સંદિગ્ધ કોલ રીસીવ કરીને ફસાયો NSG અધિકારી

By Super

Updated: Thursday, February 12, 2015, 9:41 [IST]

નવી દિલ્હી, 5 માર્ચઃ ગૃહમંત્રાલયના એક કર્મચારીને સંવેદનશીલ જાણકારી લીક કરવાના આરોપમાં પકડવામાં આવ્યાને હજૂ 24 કલાક પણ વિત્યા નથી, ત્યાં નેશનલ સિક્યોરિટી ગાર્ડ એટલે કે એનએસજીના એક વરિષ્ઠ અધિકારીને પાકિસ્તાનમાં કોઇની સાથે શંકાસ્પદ વાતચીત કરતા પકડવામાં આવ્યા છે.

પાકિસ્તાનથી આવેલી ફોન કોલમાં તે કોઇ હૈદરાબાદ વિસ્ફોટની તપાસની માહિતી જાણવા માગતું હતું. જે અધિકારીની આ મામલે સંદિગ્ધ ભૂમિકા જોવા મળી છે તે મેજર રેન્કનો છે અને ડેપ્યુટેશનથી એનએસજીમાં આવ્યો છે. નોંધનીય છે કે હૈદરાબાદ વિસ્ફોટ બાદ એનએસજીની ટીમને વિસ્ફોટોના વિશ્લેષણ માટે ઘટના સ્થળ પર મોકલવામા આવી હતી.

ગૃહમંત્રાલય અને આઇબી આ મામલાની તપાસ કરી રહ્યાં છે. અધિકારીઓને પૂછવામાં આવ્યું કે તેમણે પાકિસ્તાનથી આવેલી અજાણી કોલને આખરે રીસીવ કેમ કરી? એનએસજી અધિકારીઓએ દાવો કર્યો છે કે તપાસના દાયરામાં આવેલા અધિકારીએ પાકિસ્તાની કોલરને કોઇપણ સંવેદનશીલ જાણકારી આપી નથી. જો કે, અત્યારસુધી પાકિસ્તાની કોલરની ઓળખ જાહેર થઇ શકી નથી.