Parliament Session : 25 નવેમ્બરથી સંસદનું શિયાળુ સત્ર, જાણો આ વખતે શું હશે ખાસ?
Parliament Session : સંસદનું શિયાળુ સત્ર 25 નવેમ્બરથી શરૂ થવા જઈ રહ્યું છે. નરેન્દ્ર મોદી સરકારની નીતિઓને કારણે આ સત્ર હંગામેદાર રહેવાની પુરી સંભાવના છે.
મહારાષ્ટ્ર અને ઝારખંડમાં ચૂંટણીના પરિણામો આવ્યા બાગ સંસદનું શિયાળુ સત્ર 25 નવેમ્બરથી 20 ડિસેમ્બર સુધી યોજાશે. સંસદીયમંત્રી કિરણ રિજિજુએ આ વાતની સત્તાવાર પુષ્ટિ કરી છે.
આ સત્ર દરમિયાન 26 નવેમ્બરે સંસદ બંધારણ અપનાવવાની 75મી વર્ષગાંઠ ઉજવશે. આ ઉત્સવ બંધારણ ગૃહના ઐતિહાસિક સેન્ટ્રલ હોલમાં ઉજવવામાં આવશે.
વિગતે માહિતી આપતા કિરણ રિજિજુએ કહ્યું કે, રાષ્ટ્રપતિએ સરકારની ભલામણ પર 25 નવેમ્બરથી 20 ડિસેમ્બર 2024 દરમિયાન શિયાળુ સત્ર 2024 માટે સંસદના બંને ગૃહો બોલાવવાના પ્રસ્તાવને મંજૂરી આપી છે.
આ સત્ર દરમિયાન કેન્દ્ર વીમા ક્ષેત્રને વધુ ઉદાર બનાવવા માટે વીમા કાયદામાં નોંધપાત્ર સુધારાઓ લાગુ કરવાના હેતુથી એક બિલ રજૂ કરાઈ શકે છે. આ યોજનાઓમાં વિદેશી પ્રત્યક્ષ રોકાણ મર્યાદા વર્તમાન 74% થી વધારીને 100% કરવાની અને જીવન અને બિન-જીવન વીમા ક્ષેત્રો બંને માટે સંયુક્ત લાયસન્સિંગ સિસ્ટમ દાખલ કરવાનો સમાવેશ થાય છે.
Click it and Unblock the Notifications
Sign in with Google
