હિંડનબર્ગ રિસર્ચ વિરૂદ્ધ સુપ્રીમ કોર્ટમાં અરજી, અદાણી ગ્રુપે અદાણી ગ્રુપના રોકાણકારોએ વળતરની કરી માંગ

હિંડનબર્ગ રિસર્ચ રિપોર્ટ સાર્વજનિક થયા બાદ અદાણી ગ્રુપની કંપનીઓના શેરમાં છેલ્લા સાત દિવસથી સતત ઘટાડો જોવા મળ્યો હતો.

અદાણી જૂથ પર અમેરિકન ફર્મ હિંડનબર્ગ રિસર્ચના અહેવાલે શેરબજારથી લઈને સત્તાના કોરિડોર સુધી ખળભળાટ મચાવી દીધો છે. હવે આ રિપોર્ટ સુપ્રીમ કોર્ટમાં પહોંચી ગયો છે. અમેરિકન ફાઇનાન્શિયલ રિસર્ચ કંપની હિંડનબર્ગ રિસર્ચ વિરુદ્ધ શુક્રવારે સુપ્રીમ કોર્ટમાં જાહેર હિતની અરજી દાખલ કરવામાં આવી છે. સુપ્રીમ કોર્ટમાં દાખલ કરાયેલી અરજીમાં હિંડનબર્ગના માલિક અને સ્થાપક એન્ડરસન સામે કાર્યવાહી કરવાની માંગ કરવામાં આવી છે. આ અરજી એડવોકેટ મનોહર લાલ શર્મા દ્વારા દાખલ કરવામાં આવી છે.

હિંડનબર્ગ રિસર્ચ રિપોર્ટ સાર્વજનિક થયા બાદ અદાણી ગ્રુપની કંપનીઓના શેરમાં છેલ્લા સાત દિવસથી સતત ઘટાડો જોવા મળ્યો હતો. એક સપ્તાહની અંદર ગૌતમ અદાણી વિશ્વના સૌથી ધનિક ઉદ્યોગપતિઓની યાદીમાં ત્રીજા સ્થાનેથી 22મા સ્થાને પહોંચી ગયા છે. શુક્રવારે એડવોકેટ એમએલ શર્મા વતી સુપ્રીમ કોર્ટમાં જાહેર હિતની અરજી દાખલ કરવામાં આવી છે.

આ પીઆઈએલમાં અમેરિકન શોર્ટ સેલિંગ કંપની હિંડનબર્ગ રિસર્ચ અને તેના સ્થાપક નાથન એન્ડરસન વિરુદ્ધ કાર્યવાહીની માંગ કરવામાં આવી છે. અરજીમાં અદાણી ગ્રૂપની કંપનીઓમાં રોકાણ કરનારા લોકોને વળતરની પણ માગણી કરવામાં આવી છે. હિંડનબર્ગ રિસર્ચે ગયા અઠવાડિયે એક અહેવાલ પ્રકાશિત કર્યો હતો. જેમાં અદાણી ગ્રુપ પર નાણાકીય ગેરરીતિઓના ગંભીર આક્ષેપો કરવામાં આવ્યા હતા.

આ અહેવાલ સામે આવ્યા બાદ અદાણી ગ્રુપના શેરમાં ભારે ઘટાડો જોવા મળ્યો છે. બીજી તરફ ગૌતમ અદાણીએ વીડિયો જાહેર કરીને અદાણી ગ્રૂપ પરના આરોપોને પાયાવિહોણા અને ભ્રામક ગણાવ્યા હતા. ભારતીય શેરબજારમાં અદાણી એન્ટરપ્રાઈઝના શેરમાં 20 ટકાનો ઘટાડો નોંધાયો હતો. બ્લૂમબર્ગના બિલિયોનેર ઈન્ડેક્સ અનુસાર, શુક્રવારે સવારે ગૌતમ અદાણી ટોપ 20 અમીરોની યાદીમાંથી બહાર થઈ ગયા અને 22માં નંબર પર પહોંચી ગયા. અદાણી ગ્રુપના વડા ગૌતમ અદાણીને એક દિવસમાં લગભગ $10 બિલિયનનું નુકસાન થયું છે.

English summary

Petition to Supreme Court against Hindenburg Research